中年好聲音3｜肥媽拍片自爆全家中新冠勁辛苦　出院趕及亮相周日決賽

《中年好聲音3》總決賽將於本周日（11日）在啟德體藝館舉行，評審之一的「肥媽」Maria Cordero日前卻上載自己身在醫院的照片，並透露自己中了新冠肺炎，發高燒好頭痛，需要食特效藥。今日（6日）肥媽拍片交代自己的近況，表示今次病得好辛苦，又指全家中招，但現時經已康復向大家報平安，預告周五開直播跟大家交談，以及星期日將如期現身周日總決賽。

肥媽今晚在社交平台上載片段，講述自己的病情。片中看到她面容憔悴，聲線不及之前般響亮，而桌上亦有不少中藥袋。她說︰「我中嘅新冠真係好辛苦，頭幾日完全起唔到身，之後又咳又剩，去咗中大睇！真係好辛苦。」肥媽又表示全家都一起中招。「我哋無同外間交流，直至前晚我先一條線，尋日朝早佢哋都一齊一條線，我哋先同人傾下。引起不必要誤會，真係唔好意思。至於話我入ICU，我唔知點解。我係OK嘅，多謝大家關心！」

肥媽又表示，自己看完醫生後，就回家閉關休息，並：謂「到姐姐們又中咗，呢幾日又要休息， 又要幫手照顧佢哋，仲要全屋大清潔，太累。所以連日來有不同嘅消息都未能一一回覆， 好多謝大家的問候和關心，要大家擔心真係好唔好意思，所以喺呢度同大家報個平安。」她不忘呼籲大家要保重身體，又預告周五會開直播跟大家交談。其後，肥媽再度上載同一條片段，再次配合文字交代病情，不少網民都祝肥媽身體健康，又約定她星期日總決賽見。