袁澧林赴台灣拍鬼片　難忘血流披面狂撼頭埋牆

演員袁澧林（Angela）在英皇發行的恐怖片《山忌黃衣小飛俠》中與台灣兩位「男神」劉以豪和曹佑寧有三角關係，她與扮演情侶的以豪最多對手戲，在深山拍攝過多月，相當辛苦，不時互相打氣支持。講到對首次合作的以豪印象，她笑說：「我愛劉以豪，佢超好相處、好Nice，但又唔會過分關心，會用好溫和方式，唔會油膩，做嘢又好認真，因為單機拍攝，好多情緒化、撕心裂肺嘅演出都要再嚟過，但係佢都會百分百畀出嚟。」問到她激讚的以豪是否她喜歡的那杯茶﹖Angela則笑說：「佢係大家嘅茶，有好多好好嘅特質，我同每個人一樣都好鍾意啲好nice嘅人。」至於，佑寧雖然拍攝相處時間較少，但Angela也感受到對方心思細密，雖然是「I人」性格，但願意聆聽，記得你的說話，相當溫柔。

講到新片的靈異故事，宣傳片中Angela不停撼頭埋牆血流披面的鏡頭，相當詭異，一反文青女神的靚女形象，問到可會連自己也嚇親？她笑說：「我反而覺得個妝好靚，啲making of都係以豪幫我拍，佢都覺得好靚，好似有時影雜誌，噴濕個頭都係差唔多，都幾非常態，所以都幾新鮮刺激。」在深山、廟宇、荒廢地方拍攝多時可有遇上靈異事件？她說：「我就冇，以豪有一日拍攝就機器失靈，覺得好陰深、好唔舒服，又見到條大黑蛇。我台灣助手原來係超強嘅靈異體質，去到好後期佢先話畀我聽好猛，但係自己就感覺唔到，可能陽氣太重、太惡，鬼都驚咗我。」

化妝：Manman Fong@manmanflm

髮型：Lupus_chui@orient4

東網網站 : https://on.cc/東網Facebook專頁 : https://www.facebook.com/onccnews/