鍾嘉欣搵鍾柔美合體發功　出新歌發放正能量

鍾嘉欣（Linda）相隔3年再推出新歌《Believe In Yourself》，MV請得「聲夢小花」鍾柔美（Yumi）客串，而Yumi曾有「翻版鍾嘉欣」之稱，因而打造了「Linda遇上Linda」的彩蛋場面。雖然兩人曾於《萬千星輝頒獎典禮2021》碰頭合照，而今次再同框的場口只有兩個，分別是Yumi挨在Linda膊頭，以及在草地上互擁，但已令粉絲相當驚喜，留言狂讚：「竟然合體，好正，同是姓鍾，非常有緣」、「大小鍾嘉欣又再同框」。

原意寫歌畀囡囡

兼任作曲的Linda表示新歌原意是寫給女兒，但最終發覺需要聆聽歌曲的是自己，更望歌曲可自勉之餘，亦可鼓勵他人，昨日她表示：「隔咗好多年冇出新歌，今次終於有首新作品，好想同我嘅好朋友分享！呢首歌係想送畀大家，希望可以畀到少少力量，等大家更相信自己。如果覺得首歌好聽，又有少少打動到你嘅話，好歡迎同身邊嘅朋友仔分享㗎。」又望帶出無論在何方，經歷任何事，只要守住心裏的光，就可跨過難關的訊息。

Linda又在社交網上載跟Yumi及只得7歲的小演員Keri合照，大讚Keri有演戲天分：「我在找一個長得像我的小女孩，除了我親生的女兒Kelly，Keri是完美的配合。」至於Yumi則在社交網轉載MV，為Linda應援新歌。

東網網站 : https://on.cc/東網Facebook專頁 : https://www.facebook.com/onccnews/