梁超怡演出亮眼　阮浩棕吳子冲手足情深

藝人梁超怡在無綫劇集《非常檢控觀》中扮演陳煒的年輕版，選港姐時有「翻版孫藝珍」美譽的她劇中現身時以初戀般的甜美笑容，加上優美的芭蕾舞姿，成功俘虜網民心。她面對丈夫吳子冲以及舊愛阮浩棕的無奈、失望、哀愁，相當有戲，演技更令人眼前一亮。

超怡指相關場口原本演得不太好，幸有監製林志華在場用心指導，令她更能清楚掌握角色當時心情的複雜度：「好多謝佢教我應該點樣帶住又愛又恨，但又想報復嘅心情去食呢餐飯。」至於，飾演陳煒童年，她透露二人近乎零同場機會，但陳煒事前提點她可放心演回自己：「陳煒教我唔需要模仿佢，因為呢個角色嘅年輕同成年版心路歷程上好大分別，佢叫我演番一個單純同甜美嘅女仔就得。」

至於，阮浩棕與吳子冲，合作《靈戲逼人》時已獲封新一代He He CP，今次在劇中更升呢演親兄弟「真‧兄弟」，手足情深，戲外兩人私下相處更相當肉麻，阮浩棕自揭二人私密「暱稱」：「我叫子冲做BB，子冲就叫我做Baby嘅。」

東網網站 : https://on.cc/東網Facebook專頁 : https://www.facebook.com/onccnews/