<豐富海鮮拼盤套餐🦐🦞🦑🦀>
最近呢間小店推出左海鮮拼盤套餐
包海鮮盤、餐湯、沙律、主食同飲品
分別有二人餐$628/2位同四人餐 $1180/4位
需要兩日前預訂 可以另外再加錢要小食/甜品
或者upgrade 部分菜式😆
店員幾貼心 會提供鉗、鉸剪、濕紙巾同圍裙等
話說今次都係第一次去荃灣店 都幾靚！
牆上有不同畫像 亦有乾花 充滿少女心🫶🏻
唯獨冷氣凍左啲～
🔹新奥爾良海鮮盤🔹 $628/2位
1️⃣可以揀番要龍蝦1隻/松葉蟹腳400g
今次要左蟹腳 份量多 多蟹肉🦀 幾鮮甜！
另外有嘅海鮮都幾多:
阿根廷珍寶赤蝦兩隻、鮮活大蜆、蟶子、
海蝦、小龍蝦、墨魚仔、青口
大蜆同青口幾飽滿
赤蝦、蟶子 有彈性 食得出幾新鮮～
另外有粟米、薯仔同西蘭花各四件！
配菜都夠入味🫶🏻粟米同西蘭花充滿牛油香
薯仔幾綿 但飽肚 🥔
2️⃣可以揀番兩款醬汁
馬拉椰香喇沙汁☑️/ 檸檬刁草忌廉汁/招牌秘製BBQ汁☑️
3️⃣仲有一款醬料: 蒜香卡真🌶️/ 蒜香牛油
今次揀左蒜香卡真 辣辣地但接受到
亦都唔會好口渴😆
(A) 餐湯配蒜蓉包
廚師精選濃湯/法式鮮打龍蝦湯 +$18
揀完海鮮到湯啦～
當日濃湯係南瓜湯 另外龍蝦湯就再加錢
無試到南瓜湯 另外龍蝦湯幾濃稠
入面會飲到龍蝦肉🦞不過個包就硬左d
(B) 特色沙律🥗(3揀1)
慢煮雞胸日式胡麻沙律/泰式柚子墨魚仔沙律🌶️/
煙三文魚凱撒沙律+$18
要左雞胸沙律 配上胡麻醬～
雞胸唔算好鞋 厚番啲就更好☺️
(C) 主食
黑松露野菌燉飯/卡邦尼意粉
呢兩款唔洗加錢
可以用優惠價升級 都多選擇🥰
$48-88 不等～
例如有: 龍蝦汁海鮮鐵鍋燉飯/咸蛋黃喇沙珍寶軟殼蟹燉飯/豬肋骨/澳洲安格斯肉眼扒等
今次揀左: 冬蔭功珍寶赤蝦闊條麵
蝦肉大大隻 其實同拼盤嘅一樣
闊條麵份量頗多 有嚼口 掛汁不錯
放耐左會乾左啲啲
喇沙會食到有椰香 辣辣地幾惹味～
整體幾好食🙆🏻♀️🙆🏻♀️唔想重覆可以試下龍蝦燉飯
但個人喜歡pasta 類多啲😚
➖➖➖
(D) 加購海鮮
可用優惠價加購海鮮 🦞 不過兩人食
前面個拼盤嘅份量都已經好足夠！
(E) 小食
本身套餐無 可額外再加$58/$68/$88
一共9款～ 今次要左: 香脆雞翼拼盤 +$88
分別係柚子、BBQ同喇沙
其實同上面嘅汁都係一樣 覺得柚子最好食🥰
酸酸甜甜 係幾醒胃🫶🏻
可以試下其他小食 例如: 芝士焗香蒜西蘭花、香草牛油白酒煮青口、香草蒜香焗田螺拼薯蓉等
(F) 飲品
會奉送基本飲品 好多都揀得🙆🏻♀️
可以半價升級紅、白酒/ 手工氣泡花茶同啤酒
要左: 水果乾洛神花茶同埋玫瑰士多啤梨鮮奶
洛神花一壺上😆 有蠟燭保温 保持温度 解渴一流～
另一杯玫瑰士多啤梨奶
會飲到玫瑰味 同預期有不同🤣
本身以為係有玫瑰裝飾嘅士多啤梨奶
不過玫瑰味幾香 都容易接受！
有新鮮士多啤梨🍓不過偏酸
📍Homeland kitchen @homeland.kitchen
荃灣大壩街4-30號荃灣廣場B1樓B109-B110號舖||
大埔東昌街2號地舖
➖➖➖
分數💛(10分為滿分)
食物質素:7.65/10
環境: 8/10
服務: 8/10
價錢:7.5/10
回頭率:70%
▼Follow @sa_foodieadventure