前馬體會後衛菲臘比路爾斯：當我哋對住巴塞嗰陣，施蒙尼唔會講尼馬個名，只會話「嗰個小矮人」

最近宣布退役嘅前馬體會後衛菲臘比路爾斯接受訪問就話「美斯其實好癡線，佢係我面對過最好嘅球員。我要集中精力去防守住美斯，我幾乎睇晒美斯由2006年至2016年所有比賽，而睇美斯就係為咗享受😊。」

呢位前巴西🇧🇷球員又話「其實美斯職業生涯1000場比賽入面，每位教練都會用唔同策略去防守美斯，大多數教練都會搵一位球員去防守住美斯，有時係兩位、三位、四位。不過，佢哋咁樣做都係無咩用，因為美斯仍然入波、助攻，佢真係好出色。邊個需要為美斯入波負責？其實係無人，因為大家都做啱咗，只不過呢個人就係美斯😂。」

事實上，美斯過去43次對住馬體會，當中有32個入波同9次助攻，呢位阿根廷🇦🇷球王仲係巴塞對住馬體會神射手🙂