MIRROR成員驚現1988港產片　出道已經38年？

男團MIRROR成員Stanley（邱士縉）近日與藝人Alina（李炘頤）宣布訂婚，將成為隊中首位人夫，令大家意識到原來MIRROR成員都已經到適婚年紀。近日有網友更有驚人發現，原來有成員早於1988年「出道」，參演經典殭屍鬼片《電燈著，鬼掹腳》，片段於網上瘋傳。

於1988年上映嘅《電燈著，鬼掹腳》，由洪金寶導演及監製、張堅庭、陳友、午馬、高麗虹主演，當中一幕眾人與殭屍室內對峙成瘋傳片段，原來係因為片中殭屍外形同MIRROR人氣成員Anson Lo（盧瀚霆）有幾分相似，加上大家都皮膚白皙，AL即被笑稱於當時已經「出道」，更激起唔少網友對昔日經典殭屍鬼片大感興趣，話要搵番嚟重溫。

東網網站 : https://on.cc/東網Facebook專頁 : https://www.facebook.com/onccnews/