陳友張與辰趙浚承合體　經歷相似與家人分隔兩地

無綫清談音樂節目《今晚有歌廳》於10晚播出嘉賓，分別有溫拿樂隊成員陳友、《中年好聲音3》的張與辰及趙浚承，三人稍後將會合作演出音樂劇，當中張與辰飾演鍾鎮濤，趙浚承分飾陳友兒子及譚詠麟。今集主題是「友‧情歌」，談到能與前輩陳友合演音樂劇，張與辰透露因而再次燃起了對音樂劇的熱情，陳友亦表示與張與辰好投契：「啱啱見就好多嘢傾，好有緣分。」

而曾經看過該音樂劇的趙浚承表示，劇情與自己經歷相似，同樣與家人分隔兩地的他，透露疫情期間香港北京兩邊跑，有時要相隔4、5個月才能與家人見面：「嗰時小朋友3歲、其實係最需要爸爸嘅時候，所以我都有啲愧疚。佢依家都會有少少脆弱，可能嗰段時間同我接觸得太少。」

陳友則分享了與太太的故事。他提到自己曾在北京生活了12年，太太則留在香港，兒子則在美國，家人一直分隔三地。陳友說：「到佢哋一齊返嚟香港嘅時候，我又返咗北京。好似我個仔依家長時間喺美國，我好似失去咗個仔咁。」他又坦言：「佢哋已經習慣咗嗰邊嘅生活，我啲孫都喺嗰度，其實心裏面好遺憾。我覺得一家人一齊成長係最幸福嘅事。」被問到有否被音樂劇的情節感動到，陳友坦言「唔止一次」，說時亦忍不住眼濕濕。

東網網站 : https://on.cc/東網Facebook專頁 : https://www.facebook.com/onccnews/