出位言論｜鍾培生轟港府搞垃圾KPI 重申反對「18蚊窮遊」倡3招阻特種兵入境

近年內地旅客消費模式改變，大量「特種兵旅遊」湧現，港府表示支持及歡迎，特首李家超亦曾呼籲要包容非高端旅客。不過，現年34歲的電競名人兼著名富三代鍾培生就表示不認同，早前更在ig拍片直言「嗰啲18蚊窮遊嚟香港就唔好嚟啦！」，相關言論在內地社交平台掀起軒然大波，紛紛斥其「尖酸刻薄」、「格局細」。

鍾培生首先指，「無國又邊有家呢？所以我係好鍾意內地朋友嚟香港消費，超級懷念這個這個這個不要，其他的都幫我包起來」。然而話鋒一轉，就開始批評時下流行旅遊特種兵，指「18元遊香港」對香港經濟沒有幫助，甚至要香港納稅人「倒貼」，直斥「港府搞些甚麼垃圾KPI，給那些人窮遊，18元來香港真的不要來了，18元來香港又沒文化又沒水準，隨地丟垃圾又在街上過夜」，又指他們阻塞麥當勞空間，「香港政府聘清潔工人去清潔他們的垃圾，都輸光了」。

對於有留言問「無錢真係唔應該嚟香港咩」，鍾培生直言「無錢梗係不要嚟香港，香港是一線城市，一線城市出名貴，無錢的話應該留在自己的城市好好工作，政府資助遊客係好事，但唔係畀呢班窮人，18蚊過來唔消費」。

鍾培生重申，自己不是反對遊客，而是反對推廣「窮遊政策」。對於那些「又食又拎，拎完之後仲唱衰香港，話香港垃圾、CP值低、唔值得再嚟」的人，鍾培生狠批「你又要去人哋地方，又要係政府資助，又要話人哋貴，咁我都唔明點解香港政府真係叫呢班人過嚟，佢地又唔洗錢之餘，仲要唱衰香港。」

他建議香港政府可以做三件事阻止窮遊旅客入境，包括要求旅客提供資產證明方可入境；其次是憑住宿證明獲過夜簽證，否則須即日離境，「你過夜的話，就唔好堵塞所有麥當勞」；第三是推出消費回贈計劃，例如在酒店、的士及餐飲消費滿1萬元可獲1,000元回贈，並可藉要求的士業報稅。

事實上，撇除情感與罵戰，據政府統計處數據顯示，去年美洲旅客人均消費達7,618港元，歐洲、中東及非洲旅客為7,417港元，澳紐及南太平洋則為7,503港元，均遠高於中國內地旅客的4,958港元。內地旅客消費力雖具規模優勢，但單計人均開支，實際比美洲旅客少足足五成。若以港府「追KPI」的角度而言，真正值得爭取的，或許應是願意在港深度體驗與消費的長途旅客。