李綺虹無懼素顏示人　獲讚「做自己」

1994年香港小姐季軍李綺虹，自從移民加拿大定居後，鮮少亮相幕前，雖然專心相夫教子，但隨着小朋友長大，有更多自由時間嘅佢，仍不時透過社交網分享同老公四圍玩樂嘅照片。而向來熱愛戶外運動嘅李綺虹，日前亦晒出一輯喺海邊做運動嘅自拍照，並透露照片記錄咗自己已經挑戰咗急流1年，並搞笑道：「或者有一天我會因此失蹤。」

而相中李綺虹以全素顏示人，雖然皮膚布滿皺紋及雀斑，但笑容滿臉嘅佢，則係充滿健康快樂嘅氣息，引嚟唔少粉絲留言道：「很真實，只是大部分人還活在美顏中，不肯服老。」、「美過、老過，這個世界來過。」、「當大部分人為皮囊和容貌而焦慮不堪的時候，她早已活得通透」、「笑容依然美好，內在豐盈且快樂。」、「美過了呀自然老去很不錯呀，很真實」、「好欣賞她以最真實狀態示人」、「沒什麽變化呀，只是皮膚差了點。」

東網網站 : https://on.cc/東網Facebook專頁 : https://www.facebook.com/onccnews/