雲浩影為 THE NEW BLACK OPTICAL 拍攝全新宣傳照黑白配眼鏡造型仙氣迫人

發布於 2024年06月03日03:16

日本手造眼鏡店 The New Black Optical 開業至今 11 年，多年來致力在香港推廣日本手造眼鏡文化，這次邀得仙氣女神雲浩影（Cloud）示範一系列日本手造眼鏡，以黑白配造型搶眼登場！

雲浩影為 The New Black Optical 拍攝全新宣傳照

雲浩影為 The New Black Optical 拍攝全新宣傳照　黑白配眼鏡造型仙氣迫人

The New Black Optical 繼上年年底邀得盧瀚霆與呂爵安擔任造型照男主角後，今次則請了人氣爆燈的女神級歌手雲浩影（Cloud）為他們拍攝最新的宣傳照。是次相片質素水平極高，亦拍出 Cloud 的「仙氣」一面，配上兩套各偏黑、白的服裝，別具質感。第一波公佈的 10 張相片《男士通信》已全數刊登（請看到最底），只在官方提供的相片格式上做了輕微壓縮，手機版網站因先天問題，顯示效果打了折扣，建議讀者們可自行下載或圖片另開新頁細閱。依照 The New Black Optical 以往的習慣，應該仍有些相片未公開，fans們不仿留意他們家的IG。

首次拍攝眼鏡造型宣傳照的 Cloud 表示相當興奮：「真係好開心，大家都知我平時私底下都是戴眼鏡，今次終於有機會同『眼鏡』一齊工作！眼鏡對我嚟講，係最好嘅夥伴，因為佢夠哂輕身，由起身嗰刻到臨瞓前都需要佢，雖然而家工作嘅時候多數都會戴隱形眼鏡，但係當我想畀大家睇到唔同感覺嗰陣，又用眼鏡嚟襯唔同造型，佢唔止係生活必需品，仲係好實用嘅時尚單品。」

拍攝期間，Cloud 當然把握機會試戴不同款式的眼鏡：「平時冇咁多時間逐副慢慢試，今次名正言順任戴，原來同框唔同色，或者同色唔同框都好大分別。我之前多數戴方框眼鏡，感覺上好似斯文啲，今次佢哋安排咗好多圓框款畀我，估唔到感覺都幾cute。」這次 Cloud 為宣傳照配搭一黑一白的造型，比平日的她更添成熟仙氣，白色貼身連身裙散發優雅的知性美；黑色透視造型帶點叛逆的感覺，她說：「今次拍得好輕鬆同舒服，多謝品牌嘅邀請。」

Cloud 透露自己小學三年級時加入眼鏡行列，她笑謂大部分人兒時都有個怪念頭：「細個嗰陣，唔知點解覺得戴眼鏡好有型，好似特別斯文同埋讀書會特別叻咁。嗰時都開始有『靚』呢個概念，以為自己戴眼鏡會好睇㗎，點知揀咗一副好薯嘅眼鏡，嗰陣每日都唔想戴眼鏡，好醜怪呀！不過而家諗返其實嗰時自己唔識揀啫。」現時的她已經與眼鏡完美融合，黑框、銀框、磨砂框亦能輕鬆駕馭。

近期工作忙碌的 Cloud，幾乎每日都要應付各種幕前幕後工作，連休息時間和me time 都十分難得，問到她將來的擇偶條件，可會為眼鏡男加分？Cloud 笑謂：「如果能夠斯文得嚟，又有型咁戴眼鏡都會加分，不過而家都係想做嘢行先，唔諗咁多住，啱啱出咗新碟呀，要做好多宣傳，大家記得多多支持就真。」

關於 The New Black Optical
2013 年由林嘉浩創辦，從學生時期開始接觸並鑽研日本手造眼鏡，被專注、堅持與執著的日本眼鏡職人文化及精良細緻的手造眼鏡深深吸引，逐步埋下於眼鏡行業發展的種子。The New Black Optical，搜羅日本頂級質素的手造眼鏡品牌，提供香港眼鏡行業少有的舒適自在沒有購物壓力的店鋪空間，致力推廣日本手造眼鏡文化。