年度茶壇盛事 TEA ROUND 2026 強勢回歸 PMQ！】
171 觀看次數✨ 鍾意飲茶、鍾意茶文化嘅你，今個農曆年絕對要嚟 PMQ 元創方朝聖！由 PMQ 元創方同 TEA ROUND 一齊主辦、新星茶莊協辦嘅「TEA ROUND 2026」茶藝界大型活動，終於喺 1月30號至 2月1號 大熱回歸啦！🎉 今年主題係「拼配味道、拼湊文化」，專登請嚟唔同地區、唔同世代嘅茶藝師同茶迷聚腳，一齊交流、一齊切磋，拼出香港茶文化全新面貌！🤝
元創方本身已經係中西文化交融嘅創意地標，一直幫緊新一代創意人實現理念同吸收經驗，今次同 TEA ROUND 合作，就係想推動新舊茶行之間嘅對話，等更多人可以認識同欣賞香港獨有嘅茶藝文化～ 🇭🇰✨
講到「拼配」，真係好代表到香港人㗎～ 由老師傅精心調配嘅普洱、鐵觀音，再到港式絲襪奶茶嘅茶膽，拼配唔單止平衡茶嘅苦、香、醇，更加展現我哋靈活、包容、創新嘅精神！💡 今次場內有齊 50 個本地同海外人氣茶莊、美食同茶具品牌，仲有流動茶車請你飲奶茶、普洱拼配展覽、流水茶席、府城封茶同各式品鑑活動～ 無論你係品茶高手定係初哥，都實搵到「你杯茶」！😋
—
🎊 陣容歷屆最強・掃茶辦年貨一 take 過！
舊年嘅熱鬧場面仲歷歷在目，今年主辦方再發大招，邀請到 50 個品茶、美食同茶具品牌進駐，係歷年最多！PMQ 地面廣場會變身全城至大型茶文化聚腳點，茶葉禮盒、茶特調、烘焙點心、陶瓷茶具、生活精品… 真係應有盡有～ 🛍️
今次活動仲連繫咗傳統老字號同新一代品牌，做到真正嘅「茶藝界大拼配」！例如有 60 年歷史嘅「茗香茶莊」帶嚟獨門炭焙潮州工夫茶；傳承四代嘅「華茶館」推出 TEA ROUND 限定「普洱拼香片」，傳統中帶茉莉清香，好有驚喜！🌼 另外 BE MY TEA 同「初緣」分別主打貴州同日本精品抹茶特飲；茶店 Plantation 就會推出用精品茶製成嘅 Kombucha，風味好特別㗎～ 仲有呀，流動茶車會請到「香港情懷（香記咖啡）」、「金二少」同 Chart Coffee 嘅奶茶師傅即場示範沖絲襪奶茶，指定時間仲會免費派發！☕️
食貨注意！多個美食品牌都會推出茶主題限定美點～ 米芝蓮推介「添好運」有會場限定迷你馬拉糕同叉燒飯；Verona Gelato 嘅「拼配鐵觀音」雪糕茶味超濃；「琉璃菓子」嘅海鹽焦糖鐵觀音卷蛋同四季春茶鳳梨卷蛋都好吸引～ 🍰 麻糬研究所嘅茶味麻糬煙煙韌韌；「十常八九」就以小賣部概念整咗多款茶香小食，foodie 實忍唔住打卡！📸
茶具方面一樣精彩～ 文青至愛「百川納」同 tete 嘅陶器簡約又有藝術感；「朢三樓」嘅香港手造茶器線條獨特，用嚟品茶視覺享受都加分！🫖 就嚟農曆新年，嚟 TEA ROUND 辦年貨就最啱～ 好多品牌推出新年茶禮盒，例如「想爺爺了」嘅「愛馬氏」馬年白茶餅，包裝得意，味道層次豐富，送禮自用都一流！🎁
—
🌍 一次過歎盡各地茶風・活動玩不停！
今次唔止本地茶莊強勢，海外陣容一樣有睇頭～ 福州茶商會展示非遺傳承人製作嘅大紅袍同茉莉花茶工藝；台灣「二方工作室」兩位得獎茶人帶嚟風土茶席體驗；台北酒吧 Astea 嘅 Tea Cocktails 適合鍾意淺酌嘅朋友；日本廣島 TeaFactoryGen 以自然栽培方式種茶，精品焙茶香氣乾淨、味道柔和～ 仲有以色列 HOYUMTEA 帶來香料茶同野放茶，眼界大開！🌟
活動當然唔少得一連串茶事體驗～ 圍繞「拼配」主題，鍾意普洱嘅你可以參加普洱拼配展覽、品鑑茶席同「一日普洱鑑定師」體驗，學睇茶餅上嘅數字密碼，分辦生熟普洱！📚 奶茶控就要試「一日奶茶拼藝師」，自己動手拼配茶底同淡奶，發掘你最愛嘅黃金比例！🥛 往年大受歡迎嘅「流水茶席」、「一日茶師工作體驗」同「台南府城封茶」都會回歸，仲有潮州、福建工夫茶體驗，同埋講解宋式點茶同抹茶關係嘅分享～ 活動浪接浪，帶你一步步深入茶藝世界！🧘♂️
▼Follow Outsider Magazine
Instagram: https://www.instagram.com/outsider.mgz/
自動播放下一則