單文柔公開病況　上月臉腫、頸腫眼發炎

48歲陳展鵬的35歲太太單文柔，2019誕下女兒「小豬比」後便少有在幕前演出，不過仍常在社交平台分享生活。日前她就上載自己臉腫、頸腫的素顏照，原來上個月染上怪病。

單文柔提到大家在社交平台都展現最好一面：「冇諗過自己成個四月，都喺一個生病嘅狀態，唔知道自己點解眼開始會發炎，跟住就到面開始腫，直到頸開始腫嘅時候，我先開始注意到會唔會係身體上有啲咩小問題出現呢？當初都冇擺喺心上面，但係斷斷續續咗一段時間都未好返，亦都搵唔到係咩原因，甚至影響咗正常嘅工作，同埋開始意識到係咪我身體發出咗咩訊號，去睇醫生先知我的確需要好好休息，我開始慢慢咁樣調整自己。」
之後單文柔多休息，早瞓一小時，又花時間去調整精神和身體狀態，再做運動、做SPA、曬太陽吸收維他命D：「無論你做咩工作，承擔乜嘢都好，自己嘅身體健康同埋精神健康都好緊要。喺不停努力嘅路上，適當嘅休息係好緊要㗎，只有自己狀態好咗，先至可以有更加好嘅工作、成果，能夠照顧你愛嘅人！」早前她在520上載過近照，臉部已經消腫，看來現在已經痊癒。