星洲名廚溫有成師傅首度登陸香港港麗酒店！限定南洋盛宴～

香港港麗酒店邀請到星洲名廚溫有成師傅（Edward Voon）嚟咖啡園客席主理，將餐廳變身成東南亞美食天堂！🔥 溫主廚嘅菜式向來深受圈中名人追捧，今次佢首度將經典名菜帶到自助餐檯，等大家可以親民價無限任食佢嘅匠心之作，包括人氣爆燈嘅「VOON 喇沙摻摻湯麵」、參巴醬焗西班牙黑毛豬扒飯等，帶嚟連連驚喜！😍

🍽️ 前菜沙律｜清新開胃
🐟 油甘魚配梅子番茄及蔬菜凍湯｜番茄同青瓜中和油甘魚油脂，清新輕盈
🍗 海南雞沙律配紹興酒啫喱及芝麻醬｜酒香芝麻香完美融合
🌶️ 香辣魷魚大蝦沙律、娘惹咖哩牛肉沙律、薯仔沙律配南乳豬肉、西班牙伊比利亞豬肉沙律配香料乳酪及椰菜花｜酸辣清爽，格外醒胃！

🍜 招牌VOON喇沙｜
星馬菜點少得國民美食喇沙？溫主廚嘅招牌VOON喇沙於咖啡園即席烹製，色澤橙紅嘅喇沙摻摻湯麵加入烘香蝦殼、蝦米同多種香料（薑、洋蔥、香茅、南薑、羅望子、叻沙葉等），熬煮超過6小時！😋

🐷 參巴醬焗西班牙黑毛豬扒飯｜驚喜新意
主廚特選肉質鬆軟嘅西班牙杜洛克豬梅頭肉，拌入自家製參巴醬，充滿東南亞辛辣香味！🍳

🍗 秘製蝦醬雞｜本地蝦醬入饌
採用香港本地蝦醬，炸至外脆內嫩！

🦀 黑胡椒蟹肉通心粉｜南洋風味濃郁
以鑄鑼鍋盛載嘅黑胡椒蟹肉通心粉，融合新加坡黑胡椒炒蟹風味！🦀🔥

🍽️ 其他精選推介
虎蝦佐海鮮蛋黃醬、鱸魚炒通菜、甲必丹咖哩牛頰肉、馬來家鄉炒飯、福建炒麵……樣樣都係心機之作，必能令你大飽口腹！🤤

🍰 班蘭主題甜品｜星洲特色注入經典
溫主廚特別以班蘭作主打，將經典意式甜品注入星洲特色

💚 班蘭美祿提拉米蘇
🥥 班蘭椰香意式奶凍

👇 期間限定！快啲約埋朋友一齊去歎星洲名廚手勢啦！

▼Follow Outsider Magazine
Instagram: https://www.instagram.com/outsider.mgz/