張振朗演技大爆發　孖黎澤恩挑戰「神同步」

自從揭露林保怡演的「丁洛風」擁有多重人格後，與他拍住上的「守門員人格」陳法蓉及「暴力仇恨型人格」張松枝全線獲得好評，昨晚一集（11日）輪到張振朗飾演的「刑凱」與第三暗黑人格黎澤恩(Ronny)的精彩戲份，Ronny憑「深紅色眼袋」及「邪惡笑容」贏盡關注，尤其他與振朗的「神同步」演出，二人無論表情、動作、對白都100％合拍，網民留言讚Ronny演技沒有被視帝比下去，大讚Ronny「愈奸愈型」，由於氣場令人毛骨悚然，有網民講笑Ronny一出場就要「揞住阿女對眼」、「Ronny演到嗰種黐線佬感覺」；至於去年勇奪最佳女配的傅嘉莉飾演的「芷菲」，亦獲網民認同，昨晚「刑凱」的第三人格被喚醒時，向「芷菲」作出連串猛烈攻擊及練頸，非常逼真，未知是否拍攝時太投入，振朗一度因用力過度撼傅嘉莉的頭，以致意外撼爛了現場的大型電視機。

Ronny受訪時表示他與振朗首度合作拍劇的第一場，當日去到現場才知道要這樣拍攝，Ronny：「係有啲突然，因為係有啲難度嘅，雖然大家都背咗嗰四、五句對白，但未必跟足劇本講，同埋會有語氣同節奏嘅分別，咁短時間內要有默契，仲要手勢同表情都要配合，係有難度嘅。我記得當時練咗5至10分鐘左右，大家Keep住不斷溝通，都順利3、4個take就完成。可能我玩音樂，對拍子有少少敏感，所以都好彩跟到振朗個感覺。」Ronny覺得與振朗相處好舒服，不會有壓力，第一次見面已感覺像朋友般。

Ronny又指演暗黑人格時，不會以「人」的狀態去演繹：「呢個角色同以往嘅奸角演繹上有份別，因為喺我角度，佢並不是一個人，而係一個精神狀態，因為我唔當佢係人咁演，所以我會演得好誇，例如伊起棚牙、講嘢好沉咁。（紅眼係咪你構思？）係劇組嘅功勞，我只係提議佢化得再紅啲，因為想表達戻氣重啲嘅感覺，同埋加黑眼圈再暗黑啲，所以我基本完全唔需要化妝。」

「丁洛風」的另一人格由陳若思（Amber）飾演的「丁少婷」，昨晚以希臘女神各學生造型出現，Amber眼大大加甜美笑容，被讚仙氣十足，Amber表示：「我人格出嚟嗰陣，因為想畀人一種希望嘅感覺，所以造型上會帶少少救贖嘅 vibe。」

東網網站 : https://on.cc/東網Facebook專頁 : https://www.facebook.com/onccnews/