王菲逆齡扮16歲學生妹　雨中被殺戲拍足4日

前港姐王菲在無綫劇集《刑偵12》中扮演「大師姐」陳法蓉的年輕版，兩人同屬香港小姐出身，相當有緣。王菲在社交網表示：「好開心今次可以做到法蓉姐姐嘅年輕版，多謝監製導演搵我演出，可以同到兩位咁好嘅前輩合作真係好感恩同興奮，睇住佢哋演戲真係一種享受。」

王菲直言今次演的學生妹「丁少芸」，對她是一大挑戰：「首先喺年紀上，冇諗過自己仲可以演到16歲嘅學生妹，呢個真係要好多謝髮型、化妝、服裝部老師們嘅幫手，先可以塑造到一個好符合角色形象嘅丁少芸出嚟。」

拍攝過程中王菲最難忘是被殺的戲份，拍得辛苦，但相當滿足：「被殺嗰場戲，可以話係我入行咁多年拍過最難忘嘅一場戲，單係呢場戲就拍咗3、4日，過程中不斷淋雨、濕身、又瞓地、又打鬥，係好攰，但真係好滿足，一roll機就會完全忘記有幾攰、幾污糟、幾狼狽，完全腎上腺素上升，淨係想做好件事佢，多得全crew人嘅努力，出嚟嘅成果真係好靚好有feel，一切都是值得的。」

東網網站 : https://on.cc/東網Facebook專頁 : https://www.facebook.com/onccnews/