蘇麗珊人美心善扶阿婆過馬路　因對方暖心說話勁感動

近日唐詩詠被拍到幫阿婆推車的好人好事，原來事件亦同樣發生在另一位女神蘇麗珊身上，她在社交網分享關於「扶阿婆過馬路」事件，她寫道：「啱啱衝緊去等巴士，仲有100米左右距離，有個婆婆嗌住我，佢推住架車仔，前面裝咗啲嘢，後面係扶手助佢行路嗰種。靚女，可唔可以扶呀婆過馬路呀？咁好口！本人有愛心又樂於助人當然就話好啦，但係，我望一望，點幫呢？內心就已經做好打算有車經過我就使出一個手掌擋住啲車唔好過住咁！咁我就好笨拙咁幫佢推住架車仔一齊行，但架車仔又係畀佢扶住㗎喎，個心仲係好懷疑到底我有無幫到佢？」

之後兩人還開始了一段搞笑的對話，婆婆讚她好人，直言要寫信去公司表揚她，她自言自己無公司，對方問她做甚麼工作，蘇麗珊以「我寫嘢㗎」來含糊其詞，婆婆竟然好醒目地反問：「咁你有無做演員呀？如果你做演員我一定會支持你㗎！投你一票！我嗰刻真係好想cry，依家打出嚟都好想cry。」蘇麗珊指婆婆一定是天使派來給她講加油，又對大家喊話:「家人有老人就即刻打電話問候吓佢，因為佢最尾同我講，佢一個老人家好悶，個仔又住好遠。所以我一衝上巴士都即刻打畀婆婆了，你哋嘅幾分鐘可能為佢哋brighten一整天的！」

東網網站 : https://on.cc/東網Facebook專頁 : https://www.facebook.com/onccnews/