COLLAR拍團綜齊遲到兼失魂　Ivy、Candy化身導遊照顧隊友

發布於 06月06日09:59 • 機

COLLAR拍團綜齊遲到兼失魂，Ivy、Candy化身導遊照顧隊友。

ViuTV《COLLAR以為去度假》安排COLLAR接受嚴格的紀律式培訓，面對各種嚴峻環境挑戰；在訓練之中發揮自我能力，繼而互相照顧渡過難關。今晚（6月6日）播出的一集，由化身導遊的Ivy和Candy帶隊，前往水上冒險樂園玩個痛快。Ivy準時8時便在酒店大堂等候隊友，不過時間一分一秒過去，仍然不見任何隊友出現，就連導遊之一的Candy也不見踪影，Ivy也沒所求，只望Candy能會是第二或第三個到達。幸好Candy也沒有令Ivy失望，總算在其他隊友出現之前現身。兩人之後直上餐廳催促隊友出發，不過眾人的包包卻全部被遺棄在餐廳，Ivy和Candy惟有變身保姆，幫她們拿回包包上車。

Candy和Ivy幫隊友拿包包上車。

曾被工作人員點名讚準時的Ivy，第一個到達酒店大堂。

對於今次到水上樂園的行程，Day表示：「最開心係我哋可以放飛自我，做咩都冇人會好關注我哋，或者係冇人會影我哋做緊啲傻仔嘢。」Marf就覺得：「上次我哋喺日本嘅時候，Candy唔舒服落唔到水，佢覺得好唔開心，冇得同大家一齊玩。所以今次一聽到有得玩返，我哋即刻覺得好正，有種終於可以兌現到我哋嘅承諾嘅感覺。」

Day開心能放飛自我。

正當眾人在人造浪水池中玩得興起的時候，駐場DJ竟突然介紹來自香港的COLLAR，還播放她們的歌曲《SSS》，眾人大感愕然。Gao坦言：「人生有幾可喺第二個國家嘅水上樂園嘅DJ手上播到我哋嘅歌。」Marf更指：「好癲呀呢個！勁尷，有一刻係有諗過踎底。」COLLAR眾隊員聽見自己的歌曲，禁不住開心地在水池中跳起舞上來。

COLLAR眾隊員在水池中跳起舞來。