陳豪被爆買車旺事業　當年買一部開篷跑車即入屋

陳豪的咖啡店近被傳生意不佳，成為老細要勤力接Job填數。而網上就有網紅作家爆料，而且有合照為證，指當年陳豪買下他和家人的跑車後，事業就開始上軌道走紅。

曾寫《點五步》電影小說及當電影《私人會所》編劇的「富二代作家」筆華棋，近日在社交平台出文，指當年他媽媽和陳豪用同一位髮型師，而當陳豪知道他媽媽擁有一部經典日系開篷跑車MX-5之後，就找髮型師傳話，指如果他們他朝一日賣車，記得通知一聲。而幾年後，他們準備賣車，陳豪亦真的買下該跑車，而之後陳豪便加入TVB拍劇，越做越好，而筆華棋亦指當年和陳豪吃過一餐飯，而陳豪亦說這跑車很旺他。到筆華棋大學時，他家再賣了一部保時捷給陳豪：「佢喺大球場試完車即刻俾票，結果之後嗰兩年佢憑住《溏心風暴》同《家好月圓》先後贏到最喜愛男角色同埋最佳男主角，不過佢冇多謝我哋，淨係同Ivan(髮型師)講架車好多嘢壞。」
到後來他做記者訪問陳豪和黃德斌時再見面，不過陳豪已經認不出他，最後更指現在自己也有一輛保持捷想賣，如果陳豪看到有興趣可以找他。