郭富城現身撐譚耀文新片　要好友索料問第三胎性別

藝人譚耀文、林家熙（Locker）、鄭浩南及應智越等昨晚（17日）出席電影《拚命三郎》首映禮，圈中好友周家怡、陳煒、張建聲、黎澤恩、湯盈盈及梁靖琪等捧場，但最令人驚喜是太太方媛懷有第三胎的郭富城（城城）於晚上9點25分壓軸到場，城城和譚耀文一見面即熱情擁抱，兩人攬住合照時，揚言幫傳媒「索」城城第三胎是男或女嬰，但面對好友時又不好意思當眾八卦，結果傳媒代問，城城聽到問題後，笑晒又攤開雙手表示：「我都唔知喎！」譚耀文又向城城握拳屈膝半跪感謝他撐場，城城城即扶起他並說不用客氣。

城城現身前，譚耀文與飾演其兒子的Locker先齊受訪，譚耀文指連續有兩套電影上映，除《拼》片外，還有與郭富城合演的《無名指》，他表示從得知城城將再添丁後有恭喜對方，亦有邀請城城睇首映，還問傳媒可知第三胎性別，揚言代傳媒向城城「索料」。譚輝文大讚Locker孝順，父親節當天齊做宣傳時，Locker更掏腰包送他牛仔褲，又表示如票房過千萬會除衫謝票，至於Locker則表示500萬就會在社交網站公開操得很fit的未公開照，不過譚耀文嫌他沒誠意。

Locker早前在市集幫女友、COLLAR成員Marf當助手，Locker表示女友講心不講錢金：「好好呀，有時輪流做助手，我喺球場上佢又幫我拍片，好細心。」兩人拍拖兩年多，但沒想結婚，因正值事業衝刺期。提到Marf剛過完23歲生日，Locker指當日送了貓造型的蛋糕及自製生日卡，問到COLLAR即將舉行演唱會，是否要撲飛？Locker笑說：「唔知有冇得做助手，問吓先！」

同場的鄭浩南（Mark）身穿全套白色西裝，真空上陣大展男性魅力，他笑說:「呢套衫都年冇機會着，依家市道唔好，所以連裇衫都冇。」談及他早前登台時，有數十人衝上台爭相影合照，其中被數名女粉絲強吻，又遭男粉絲熊抱，他自言經常遇見此情況，又覺得充滿危機，他謂:「幾年前，任達華出席商演都被人捅咗一刀，因為唔知現場有冇傻佬，之前喺西安出席朋友嘅大型酒吧活動，有20個保安，但有50人衝埋嚟。（被女粉絲錫好艷福？）嗰次我推開佢，佢哋好猴擒，但我絕對冇蝕底到，梗係錫唔到，啲姐姐樣又唔係好靚，就算靚都唔好啦，又唔衞生，我經歷咗咁多，睇嘢唔好睇表面，其實份工都係拋頭露面，好陰功。」

談及有女粉絲向他求婚，他稱只是講笑，又指現時沒有拍拖，而被影到的同行女友人只是公司同事，亦不會跟女同事發展感情。身材健碩的他，自言經歷離婚後有陰影：「受過傷，未復原，依家都驚驚，所以集中精神拍戲，好好湊大小朋友啦。本來傾緊部新片，但時間上配合唔到，因為要返加拿大照顧父母，佢哋年紀大，我之前留喺馬來西亞都20幾年。」

東網網站 : https://on.cc/東網Facebook專頁 : https://www.facebook.com/onccnews/