消息指格連活有機會違反球隊紀律守則，格連活爸爸被發現買咗兩份漢堡包，之後兩父子一齊走

根據英國太陽報消息，由曼聯租借加盟西甲球隊基達菲嘅美臣格連活被發現有機會違反球隊紀律守則😶

消息指格連活係前日完成咗球隊訓練之後，格連活爸爸被發現買咗兩份漢堡包套餐，之後兩父子仲一齊揸車返屋企。事實上，基達菲教練波達拿斯曾經講過禁止球員食垃圾食物，並且要求每位球員每日都要磅重，如果超重將會被球隊罰款🙃

消息指格連活非常鍾意西班牙🇪🇸生活，呢位英格蘭🏴󠁧󠁢󠁥󠁮󠁧󠁿前鋒希望長期留係基達菲，佢依家真係好開心同埋只係想繼續比賽🙂