杜如風日本拍節目受傷　「舊患復發韌帶有事」

「日本通」杜如風早前在東京拍攝TVB節目《解風東京2》，曾拍過多輯日本旅遊節目的她在小紅書拍片分享拍節目期間，因不停走路而導致舊患復發，透露「舊患復發，韌帶有事」。

上月杜如風慶祝「50大壽」，在日本寓工作於娛樂，四出掃貨。杜如風在小紅書上載短片，自爆因行路過多導致膝頭受傷，所以要戴上護膝：「唔好以為我嚟到日本拍旅遊節目，淨係食同埋買，好似好好玩好梳乎咁樣。嗰日不停咁行，行到隻腳傷咗，舊患復發，韌帶已經有事啦！」由於當日未完成拍攝，因此杜如風戴著護膝繼續拍攝，她勉勵自己說：「頂硬上，捱落去！」

現年50歲的杜如風於2007年為TVB拍攝《流行東京》而人氣高企。2016年曾在社交平台上載醫院臥床相，「大家都知道我不嬲拍野都博晒命、去到盡，又唔肯用替身！今次第一次用替身，就竟然傷到要入廠做手術！其實係因為自己百厭得滯，成日追趕跑跳碰，結果斷咗條膝頭哥嘅十字韌帶，要做手術駁返…….我終於都入埋香港嘅醫院啦！！！」；2022年再度扭傷舊患，如今第三度受傷。