吳業坤出戰空手道亞錦賽　「唔知仲有冇機會代表香港」

現年35歲的吳業坤（坤哥）於2020年開始接觸空手道，不但考獲黑帶，更於「第十五屆全國運動會」香港運動員代表選拔賽獲得第四名。坤哥昨晚（5月26日）在社交平台出帖文，透露他早前入選香港初級代表隊，並首度代表香港出戰於烏茲別克斯坦舉行的亞洲空手道錦標賽（AKF）選拔賽。坤哥代表香港隊角逐男子84公斤以上級別個人組手，雖然首仗不敵越南選手，但他認為「果種痛快是無可取代的」，更笑言想不到自己可以說：「我係香港運動員」。

吳業坤在社交平台平台貼出多張參加空手道亞錦賽的照片，並寫道：「有一日問師傅：『你估我三字頭仲有冇機會可以入到港隊呢？』除左（咗）考黑帶我哋亦都向着呢個目標進發。上年年尾第一次打公開賽攞到成績，終於可以入到香港空手道初級代表隊，到今次烏茲別克舉辦嘅AKF有選拔賽，師傅叫我去打多啲本地比賽攞多啲經驗，就膽粗粗去參加+84 個人男子組手選拔賽，而好彩地比（俾）我合乎咗資格。雖然明知自己嘅水平未夠而大家都話呢個級別好有可能會受傷，但如果唔去唔知仲有冇機會可以代表香港出賽，所以決定再任性一次。」

坤哥表示，雖然比賽落敗但仍非常痛快：「感謝各位大老（佬）比（畀）我唔錄歌住拍劇請假去左（咗）9日，亦都多謝隨團教練同隊友嘅接納。今次去到見識到世界級嘅選手知道自己有幾渺小。雖然輸了但果種痛快是無可取代的，一日仲郁得我都會練得再好啲下次再打得好啲。估唔到我都可以講一聲：『我係香港運動員。』（兼職）。上機番嚟嚕，拍左（咗）啲片慢慢剪講多啲。（果兩張自拍是記錄自己無事）」。

吳業坤參加TVB《超級巨聲2》後於2010年簽約TVB，2015年簽約星娛樂唱片出道當歌手，同年橫掃四台新人金獎，並曾連續兩年獲頒「叱咤樂壇我最喜愛的男歌手」。2022年與TVB約滿後與邵氏兄弟簽約，成為邵氏旗下藝人，並簽約星夢娛樂；同年5月在社交平台宣佈已與日本新聞主播濱口愛子結婚。2024年參加「第十三回親善空手道權大會」，獲得成人男子重量級組手冠軍。2025年入選香港空手道初級代表隊。