關智斌為個唱買金添財氣 獲老闆寵爆贈金帆船鼓勵

關智斌（Kenny）昨日（5日）才宣布舉行演唱會，今天（6日）就已經心思思想去珠寶店「掃金」旺自己，並有全盤計劃，他打算施展「屈金大法」，博老闆楊受成送禮，豈料楊受成竟然快他一步，一早準備了一隻「一帆風順」金帆船，Kenny開心得彈起兼自爆：「我仲諗住屈佢㗎！」

Kenny自爆「屈金計劃」：「我特登打畀老闆秘書，問老闆會唔會巡舖，諗住捕住佢，等我有折頭或者屈佢送嘢嘛！」結果真的被他捕獲老闆，楊受成甫入舖見他便說：「我有嘢送俾你呀！」Kenny當場呆了：「吓？我仲諗住屈你喎老闆！」楊受成着同事拿出預先訂製的金帆船，Kenny興奮說：「真係㗎？多謝呀老闆！我仲諗住要出招㖭！」

自言是「八卦仔」的Kenny最近迷上「擺金陣」，他說：「話要多啲金嘛！我諗住錄音室、化妝間全部擺金！」點知楊受成一句：「啲金好貴喎，你條友仔！」笑爆全場。

Kenny雄心壯志地說：「我𠵱家目標好明確，做好個騷，下次再開就可以收多啲金…同埋表！」楊受成為Kenny打氣期間，突然爆句：「聽講你個『波霸』好犀利！」Kenny急澄清：「個Body吖嘛！到時騷畀你睇。」嚇到老闆耍手擰頭：「嘩！唔使﹑唔使，千祈唔好！」最後楊受成贈言：「一票難求！一帆風順！」力撐Kenny，Kenny聞言說：「我會努力！爭氣！」

臨走前，Kenny得意表示：「任務達成！搶咗嚿金返嚟…呀，唔係搶，係老闆送嘅！」問到如何報答楊受成？Kenny表示必定全力以赴，瞓身做好演唱會：「咁就可以再收多啲金！」

（即時娛樂）