被女巴士迷苦纏起底求愛　車長求助《東張》：唔會原諒你

TVB《東張西望》近日播出有被一名女巴士迷長期滋擾的個案。Alex向節目報料，他於去年3月加入九巴公司做車長，大約入職3個月後，遇到一名女巴士迷，對方開始展開瘋狂滋擾，除了不時偷拍苦纏外，更會騎單車追逐巴士，甚至將Alex的個人資料公開放上網。Alex曾向公司反映情況，但未有回應，於是向《東張西望》求助。

巴士車長Alex向《東張西望》表示：「乘客上車嘅時候，佢就會企喺巴士車頭望住我，試過幾次喺中途站見到佢，佢都會拎住相機影我，又會喺度傻笑望住我，佢咁樣好容易令我分心，好容易會撞車。」Alex坦言曾考慮過辭職，而最令他生氣的是，該名女巴士迷將他的個人資料包括姓名、年齡、樣貌、住址及家庭狀況在社交平台公開。

女巴士迷有次在巴士總站等Alex，Alex終按耐不住質問對方：「點解你會知道我咁多私人嘢？（你點解睇到我FB？）你唔好理，點解會睇到我咁多私人嘢？我幾多歲你都知？我問你點解會知？（我估咋！）估？估得咁準？你又知我啱啱做滿一年？問你呀，仲乜唔出聲？」Alex認真向對方表示：「唔好再跟住我！」女巴士迷哀求道：「你解封我先喇。」Alex回應：「點解要解封你呀？憑乜要解封你？你想同我做friend，但係我唔想同你做friend，冇嘢講喇？走喇。」女巴士向Alex表白：「其實我鍾意咗你。」巴士車長Alex忍不住爆粗：「你鍾意咗我關我x事？（我鍾意你對你有好感。）對我有好感？我對你冇好感呀，零呀，唔會有。」

《東張西望》主持跟該名女巴士迷了解，對方指自己19歲，大約一年前成為巴士迷，曾是巴士迷群組成員。女巴士迷最初不承認滋擾Alex，之後向主持表示因對方樣貌而喜歡他。在主持的安排下，女巴士迷向Alex道歉，承諾不會再滋擾對方，但Alex表明不會接受：「其實佢都幾冇誠意，都仲係嬉皮笑臉，同埋佢都講唔到個重點，算啦，你都冇誠意㗎啦。」Alex之後急步離開，原來夠鐘開下班巴士。

女巴士迷向節目組表示想再跟Alex對話，於是等Alex再開車回總站時，兩人再度見面。女巴士迷再次道歉：「對唔住，車長。我之前做啲行為令你好唔鍾意，覺得騷擾到你。我依家會改，之前你話我做啲行為會影響行車安全，仲會影響埋你嘅情緒，我依家好後悔。」Alex表示：「我唔會接受你嘅道歉，只係希望你以後唔好再做。」而巴士公司後來回覆《東張西望》詢問時，指「有關車長已離職，九巴不便評論事件」。