柳應廷找數化老妝被問有冇遺言　Edan寸爆：型咗！

男團MIRROR成員柳應廷（Jer）去年底推出歌曲《沒終點的青春》，在MV中他以老妝上陣，化身80歲老翁，相隔半年，昨日（28日）終於找數，在社交網公開變身片段，他先要把頭髮貼實及封眉，跟着倒模，他說：「我要見證自己老去嘅階段，當我我老去嘅時候係點樣，我都想知。」倒模前，工作人員笑問他：「有冇遺言，最後要講。」Jer的老妝維肖維妙，他見到老妝的自己則表示：「嘩，塊臉咁大，我老咗應該唔係咁。」又話要做一個最精靈的眼精給大家，笑死一眾工作人員，他還應要求示範唱《狂人》最高音一段，不過因為未能張大口而挑戰失敗，被笑指老了只能當舞王，不能做歌王。隊友Edan對其造型搶先留言：「型咗！」網民指Edan好Mean，笑言：「一有得Mean柳就會出現！」網民就大讚Jer得意：「笑到嘔，勁似獨居老人」、「收埋咗條咁好笑嘅片半年，柳伯版狂人笑死！」

東網網站 : https://on.cc/東網Facebook專頁 : https://www.facebook.com/onccnews/