RubberBand 10月世界巡演首站英國 是否設香港站留懸念
RubberBand將於10月展開世界巡演《A Night In》World Tour 2025，首站到訪英國倫敦及曼徹斯特，是次巡演橫跨英國、北美及台灣等地。2023年《RubberBand Ciao World Tour》後，相隔兩年再出發，他們稱上次巡演歷歷在⽬：「當時全球疫情剛剛退卻，我哋第⼀次離開香港去巡演，帶住既興奮⼜緊張嘅心情，就好似父母輩當年回鄉探親，帶住一袋二袋手信嘅心情，去歐洲、美洲見唔同地方嘅朋友。」
四子異口同聲說巡演⼀直是他們組成樂團以來的夢想：「我哋希望將音樂帶到更遠嘅地方，接觸更多唔同文化背景嘅聽眾。無論邊個國家、邊個城市，只要有音樂交流，我哋都想參與。今次係第二次巡演，好希望呢個傳統可以延續落去，走得更遠，見更多朋友。」
《A Night In》是全新歌單、全新設計，貼近主題的氛圍與想像。他們解釋《A Night In》名稱的靈感是來自多首作品，有陳昇《One Night in Beijing》亦有部分來自他們的新歌《下⼀位參賽者》的英文歌名《Tonight Is The Night》，因為一晚就足以定格好多回憶、好多感動。海報設計亦暗藏玄機，暗示了巡演足跡，「你會⾒到英國嘅地標、北美嘅象徵、台灣嘅珍珠奶茶，巡演就會跟住呢條路線行。當喜歡我哋音樂嘅朋友召喚我哋，我哋聽到，就會想盡辦法同大家見面。」
這個音樂旅程同時承載著與樂迷久別重逢的深層意義，希望跟散居世界各地的樂迷近距離聯繫，可以行近一步親口跟大家Say Hello，講句「保重」，問句「大家別來無恙嗎？」至於巡演會否設香港站？他們說：「大家睇海報估到嘅城市，其實都只係上半部。我哋仲有好多地方想去。會唔會喺香港開Show？呢件事意義重大，如果做到，做得成，相信要好多方面配合，讓我哋用正念去期待佢發生吧！」6號又透露團隊正積極籌備最新專輯，目前「K碟」《Komorebi》只剩下⼀些後期製作，計劃其後將新歌逐一放上社交平台讓大家聽到，⼜預告2026年就是「K碟」 面世之年。
（即時娛樂）