《哈利波特》拍電視版　賴夫爆響口「佛地魔」人選由奧斯卡影帝擔任

《哈利波特》（Harry Potter）系列電視劇新版自去年已開始拍攝，一眾角色的演員人選早已公布，惟獨是終極大反派「佛地魔」一角的演員人選一直未公布，而於電影版中飾演「佛地魔」的英國男星賴夫費恩斯（Ralph Fiennes），近日出席活動時就「爆響口」踢爆該角色的演員人選。

當時有記者問他：「你認為邊個可以接替你喺劇集中飾演佛地魔？」賴夫隨即回答：「我已被佢哋通知咗接替人選，唔係咩？我認為施利安梅菲（Cillian Murphy）係一個非常好嘅選擇。」之後他自知「口多」變得有點惶恐：「我已經講咗，我認為施利安梅菲係非常之好嘅選擇。佢哋搵咗佢，唔係咩？你唔知？」

查實在賴夫未「爆響口」之前，施利安已被一致睇好接演「佛地魔」，有博彩公司更視他為最大熱門人選。施利安及後亦有被問過回應，他當時扮傻自稱「甚麼都不知道」，並直言很難接「演技傳奇」賴夫費恩斯的棒。

東網網站 : https://on.cc/東網Facebook專頁 : https://www.facebook.com/onccnews/