曾展望「女神」配對成功登熱搜　親回葉蒨文同居傳聞︰我都想

TVB《女神配對計劃》第一集首播後，因「螢幕 CP」曾展望（GM）及葉蒨文（Sophie）在節目上配對成功，旋即在網絡引爆熱討，「曾展望」更一度登上google trend榜首，一夜之間人氣高企。對於有網民在社交平台爆料，自稱是葉蒨文鄰居，指她半年前已經與曾展望同居。葉蒨文向傳媒否認同居，表示對曾展望很有好感，二人現在正了解中。而GM在昨晚（6月9日）的TVB Plus直播節目《奇情谷》中被追問與葉蒨文的發展進度，他直接否認同居傳聞：「我都想係，不過我未有咁嘅福份，多謝大家。」

昨晚TVB Plus播出的一集直播節目《奇情谷》中，請來法律界KOL范德偉（David）擔任嘉賓，分享特殊個案。不過昨晚的節目焦點，卻落在剛參加完《女神配對計劃》的GM身上，當他準備匯報《奇情谷》內容時，吳若希已急不及待追問︰「係咪匯報你同葉蒨文（Sophie）嘅進展啫？」火火接住加入戰團，大讚GM在戀愛綜藝真人騷表現︰「佢真係型到呢。」還重提多年前GM跟Sophie合作的節目《不能只有我看到的便利店追女神食譜》，他說︰「個塊『Chance蛋餅』嘅幽默同愛心、細心同誠意，真係無得頂。」吳若希接力唱「雙簧」，她表示查過GM跟歌手葉蒨文丈夫林子祥是同一日生日，足證二人緣份。

處於下風的GM無力反擊，只無奈說︰「多謝大家支持，其實所有招數都係跟『情場浪子』火哥學，追女仔嚟講『一膽、二力、三功夫』。」火火呼籲網民在留言區為GM打氣。GM在《女神配對計劃》中公開向Sophie示愛，二人真摰互動的短片在官網播出11小時，便錄得80萬views。此外，有多名網友在留言區指GM跟Sophie早在半年已在荃灣共築愛巢，吳若希追問曾展望是否已經同居，表示如果屬實要送上恭喜，曾展望直接否認傳聞：「（同居）我都想係！不過我未有咁嘅福份，多謝大家！」。

不少網友在《奇情谷》留言區為GM送上祝福︰「荀盤GM」、「你就威」、「加油」、「快啲追到Sophie，我哋想睇你快啲結婚生仔」。到節目完結共收到42萬個GM頭像stickers，破盡節目紀錄。今日GM在IG出帖文，自言受寵若驚：「呢2日收到大家好多Dm。我真係受𠖥（寵）若驚，要冷靜下，同埋琴日想專心做埋野（嘢）先覆大家。首先真係非常多謝大家咁支持我咁錫我，直程連個仔既（嘅）名都幫我改埋，例如，曾天行（在人生道路上航行 充滿展望與未來）有心程度係誇張，我已經贏哂（晒）大家滿滿的愛 好感動。承蒙大家既（嘅）厚愛，好猛烈，坦白講，好開心但都有少少壓力，壓力在於大家既（嘅）期望。我自己參加得節目就食得咸魚抵得渴，但對女仔黎講可能會有啲不知所措，好似已經幫佢篤定左（咗）我，我想佢可以放鬆地作出自己開心嘅選擇，希望大家可以比（畀）啲空間我地（哋）啦！Btw 琴日我一個鐘賺左38萬（stickers）都算係我人生創舉，多謝奇情谷既（嘅）朋友。今晚繼續 930pm，大家可以睇住我對一姐同火哥既（嘅）愛先，謝謝」。