姚焯菲形像蛻變　小公主變型格知性女生

「聲夢小公主」姚焯菲（Chantel）新歌《KMC》MV面世，自上一首單曲《New Fantasy》開始一改歌路，由以往的甜美小公主換身一變成為型格知性女生。今次新歌《KMC》歌名解作《Keep My Cool》，題材談及一段關係之中如果要委曲求存太辛苦，假若對方拋出大量無理要求又不顧及你感受，倒不如型格地轉身離開，因為你知道自己值得更好。

為配合歌曲主題，加上歌詞其中一句寫道「AI般的冰冷感／機器地 扮甜蜜 太失真」，所以MV中Chantel冒着34度高溫換上6個造型飾演AI女友，由斯文端莊到可愛甜美，再到型格冷艷、高貴知性應有盡有。Chantel提到：「今次MV之中分別有AI嘅我及真實的我，AI版本嘅我當然是個『完美』女朋友，真實嘅我相對有啲瑕疵，但其實我哋不停盲目追求完，不完美先係真實、自然嘅我，呢個狀態其實都係一種Cool！」她又說：「我都冇留意到原來今日是34度！換上唔同造型都係個挑戰，但最重要係團隊唔好中暑。」

Chantel一轉改路變大個女，新歌作出新嘗試，有份參與作曲部分，是她首次嘗試作曲滋味，她說：「一開始我係冇諗過參與作曲部分，有日天監製Alex Fung發訊息畀我話『不如你都參與作曲一部分啦』，嗰時我都有啲不知所措，因為對我嚟講歌曲已經係製成品，但原來係可以重整當中嘅旋律，多謝Alex嘅鼓勵同畀機會，係個好難忘嘅經驗！」

東網網站 : https://on.cc/東網Facebook專頁 : https://www.facebook.com/onccnews/