Tyson Yoshi想改善演技　約游學修上雞精班特訓

歌手Tyson Yoshi新歌《追 CHASING THE WIND》微電影日前上架後引起網友熱烈討論，尤其對游學修與張文傑（German）的演出更是讚口不絕，有見及此，Tyson專誠與German及導演何圖現身中環都爹利街石階（煤氣燈街）大派海報，吸引過百Fans到場展開「激情對話」，猶如微電影分享會場面熱鬧！Tyson表示刻意挑選這個經典地標跟大家見面，全因很多經典電影與劇集的重頭戲也在此取景，雖然今次微電影未能在此取景有點可惜，但能夠在這裏解構《追 CHASING THE WIND》微電影也別有一番風味。

Tyson認為落區舉行分享會，遠比辦劣粉絲見面會更有意義：「近日天氣突然轉冷，依然有唔少Fans專誠到戶外聽我哋講經，感受到大家滿滿熱情，自己都鍾意呢種近距離交流，比起只係影合照或簽名有意思，起碼可以透過作品同大家展開討論，了解唔同嘅角度同觀點，自己都獲益良多！」他表示《追 CHASING THE WIND》微電影推出後，自己有逐一細看網友留言：「印象最深刻係有人認為我嘅演技有改善空間，我自己都覺得要進修，所以即刻打畀阿修，希望開拍《万子外傳（暫名）》前先進行演技特訓，以免拖大家後腿，事關大家今次真係好照顧我，令我學到好多演戲技巧，希望下次演得更好！」

在回答Fans提問時，Tyson表示原本今集周殷廷（YT）的戲份甚重，可惜一連四日的拍攝行程因為颱風而延期，只拍了兩日便要改期至11月，導致對方的檔期無法配合，最後忍痛刪減對方戲份：「其實《万子外傳》已經開始構思故事，游學修當然係主角，亦會安排大量戲份畀YT，始終係佢角色外傳，小弟未必『老是常出現』，而與車相關嘅場口亦唔及《1994》同《追 CHASING THE WIND》多，比較著重劇情發展，希望2027年可以面世！」此外，對於Fans「追問」林家謙於去年演唱會上所送的「結婚禮物」何時面世 ？Tyson說：「林生所送嘅『結婚歌』要再等等，原本佢叫我自己完成餘下部分，但我唔想咁樣，想同佢一齊寫完首歌，所以應該仲要等一段時間，大家可以先聽其他新歌，陸續有來！」至於Fans們「一追再追」的簽名會，Tyson直言等《TYSON YOSHI THE VILLAIN LIVE IN HONG KONG 》推出Blu-Ray DVD時，大有機會成真，敬請期待，又笑指因要準備開拍《万子外傳》，故首先要「跑數」，呼籲大家購買一套三款的微電影海報回家當揮春貼，寓意「追咩有咩、心想事成」。

東網網站 : https://on.cc/東網Facebook專頁 : https://www.facebook.com/onccnews/