鬧市隱蔽日式餐廳 高質壽司廚師發辦🇯🇵🍣 [ 粋 ]

呢間刺身壽司Omakase店🍣位於尖沙咀一棟service apartment內，從地下用獨立電梯直達餐廳，位置隱蔽私隱度高👍。

店內海鮮食材從日本🇯🇵直運到港。晚市有3款Omakase套餐，價錢由每位$1480起。

✿ 花 Hana $1680/位
呢款套餐有前菜、幾款時令刺身、季前料理、壽司7貫、椀物、甜品。

前菜
日式磯煮鮑魚、汁煮黑梅貝 煮得夠入味，黑梅貝更帶點微辣，連同凍食嘅日本京都腐皮令人好開胃。

時令刺身
（1）鱈魚白子
又到食白子嘅季節，由於 日本北海道鱈魚白子 食材新鮮，師傅只加入少少酸汁、醋啫喱、柚子皮，味道清新無腥味😋，口感creamy入口即融。

（2）冰見寒鰤、活赤貝、軟煮八爪魚
日本富山縣冰見港嘅 冰見寒鰤 好肥美，只加蘿蔔蓉、柚子胡椒已經好夠帶出魚肉鮮甜味😋。北海道活赤貝 超新鮮，師傅輕輕一拍赤貝肉即時收縮，肉質爽口鮮甜。原條八爪魚加入醬汁蒸煮，柔軟入味。

（3）香箱蟹
師傅將 日本兵庫縣香箱蟹(雌性松葉蟹)拆殼起肉，蟹肉鮮甜仲有好多蟹膏😍！

（4）鮟鱇魚肝最中餅
師傅將鮟鱇魚肝煮成蓉，加入黃蘿蔔粒、芥末後放在最中餅上，綿密滑順帶脆脆口感。

季節料理🇯🇵🥩
是日煮物係 日本鹿兒島A5和牛肉眼，和牛煎至約7成熟，香嫩多汁，入口即化😋。

手握壽司7貫🍣
時令款式每天不同。當晚依次序係日本北海道活帶子、北海道甜蝦、右口魚 配燒油甘魚腩、中拖羅、活北寄貝、北海道馬糞海膽、大拖羅。

活帶子、活北寄貝 與剛才活赤貝一樣咁新鮮，師傅輕拍貝肉即時收縮，鮮甜得嚟口感爽脆；右口魚 同埋 燒油甘魚腩 中間加入紫蘇葉，味道更有層次👍。

椀物🥣
熱辣辣魚湯魚味濃郁，有鮮味唔腥。

甜品🍈
香甜日本蜜瓜。

總結🫦
店內Omakase海鮮食材用料新鮮，料理款式創新。餐廳裝潢係日式木系🇯🇵🪵風格，更有戶外花園。2樓有一間日式文具店，食飯前/食飯後可以行吓😄。
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
粋
地址：尖沙咀漆咸圍10-12號 意酒店式公寓4樓
電話：9215 8511
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

▼Follow konglui.food 港女食好西
Instagram: https://www.instagram.com/konglui.food/