盧慧敏新歌MV還原生活　10個造型勾起昔日回憶

藝人盧慧敏（Amy）推出第二首個人單曲《白牆》，新歌靈感來自她每日重複的生活，展現壓抑後爆發的「Show Time」。MV還原她的日常，包括敷面膜、浸腳、邊食飯邊跳舞等，及換上約10個造型，壓軸以閃爆短裙出場，跪地忘我高歌，寄語大家找到屬於自己的舞台，做最真實的自己。

Amy透露新歌概念和歌詞都與她的生活點滴有關，她說：「我平時嘅工作有啲重複，好似做演員有劇本，對白都係Fix咗，鏡頭前嘅我未必係最真實嘅我，當日復日不停重複時，去到一個位會忘記做嘅原因、令自己開心嘅理由。一個人去到好壓抑時，就會搵到屬於自己嘅舞台。」至於Amy的「Show Time」就是獨自在家的時候，笑言：「我覺得喺廁所沖涼係最無拘無束，無人見到嘅一面就係我最舒服嘅一面。」

MV請來黃溢濠以及黃凱逸（Zelos）參演，黃溢濠飾演兇惡導演，於片場大鬧Amy兼嬲爆掉劇本，Amy愈被鬧愈開心：「頭先嗰段戲黃溢濠真係好大聲鬧我，佢畀戲我，我就可以接到。好多謝咁多位咁畀戲、咁幫手嘅朋友們，呢個真係好緊要，所以好開心。」另一幕輪到她的鬧人戲碼，就認真考起，笑言向來不會發脾氣，發覺原來鬧人十分疲累。MV花了兩天超過30小時拍攝，其中一日正值小暑，氣溫高達35度，她更測試過體感一度高達48.93度，幾乎熱溶。拍攝時她不停變換造型，直言喚起了以前做模特兒的回憶，她說：「做騷時就係不停Quick Change，快到你冇時間去諗。今次MV要拍好多唔同鏡頭，所以不停換咗好多套衫。」

東網網站 : https://on.cc/東網Facebook專頁 : https://www.facebook.com/onccnews/