Tyson Yoshi七月歐洲結婚　滿枱金器超豪過大禮

發布於 04月30日09:31 • 機

Tyson Yoshi日前過大禮，放到滿枱金器、海味。

現年30歲的Tyson Yoshi（程浚彥）去年6月在加拿大個唱舞台上，向拍拖7年的女友Christy求婚成功，兩人將於今年7月於歐洲舉行婚禮。作為潮流指標的二人，日前跟足傳統中式婚嫁儀式「過大禮」，枱上放滿「流星錘」龍鳳鈪、各種金器珠寶和兩大個海味籃。在無敵維港景前拍照，場面震撼。

二人跟足傳統中式婚嫁儀式「過大禮」。

Tyson Yoshi曾經向傳媒透露，與Christy就籌備婚禮試過發生爭執，他自己希望化繁為簡，但女友就有某些堅持，最後如Christy所願，將在歐洲舉行婚禮，Tyson就負責設下預算讓Christy自由發揮。

某品牌包辦過大禮中的所有金器。

Tyson Yoshi與Christy拍拖逾7年，他於2022年以其女友名字命名的歌曲《Christy》，MV點擊率至今已超過3200萬。大約3年前，有網民在社交平台公開挑剔Christy的外貌，Tyson Yoshi之後在直播中連環爆粗：「好樣衰？咁點呀？我鍾意呀！出名就要被人鬧？人紅是非多另一面係好，我都明，但呢件事上，我係作為站在男朋友的立場！你試吓行行吓街、拖拖吓手，突然有個幪面人話你好樣衰，之後有一大班唔知響邊條巷走出嚟嘅人，叫你企響度，辯論你個樣好唔好睇……睬你都傻啦！現實生活可以直接走！佢哋論點係討論區可以討論好多嘢，但保護身邊人都做唔到，點做男人！」

Tyson Yoshi去年6月在加拿大個唱舞台上，下跪向Christy求婚。

兩人在台上情深一吻。

Tyson Yoshi與Christy拍拖逾7年。

Tyson Yoshi與Christy不時放閃。