m18講場：證券從業員需為新產品考試　為乜好勞氣？

挨年近晚，唔少人都喜氣洋洋準備過年，不過俗語有話年關難過，香港證券及期貨專業總會陳會長最近就有啲苦惱。佢同絲絲傾偈，話最近同監管當局就熱門投資產品升級去開會，佢愈傾愈火滾，直情係「唔開心」。不過點都好，都希望大家喺新一年都可以順風順心。

佢提到，最近收到好多行家嘅求助，話監管當局喺冇書面指引嘅情況下，私下打電話畀啲行家，叫人去考試。佢就想問，點解唔可以光明正大出信講清楚，而要用呢種方式？

講到考試，佢話好多行家都覺得有問題。例如預約考試個手續好複雜、合格率得80%，課程加埋考試要成4,700蚊，唔合格就要重考再交考試費用，對從業員嚟講都係一個負擔。