吳業坤揭與太太相識經過 入行10年歷起跌 滑浪比喻初出道成功

35歲的吳業坤（坤哥）在2015年甫闖樂壇即創下神話，連續2年摘下叱咤頒獎禮「我最喜愛的男歌手」，並於紅館開騷。5年前由零開始，學習空手道的坤哥，今年再創傳奇，變身運動員於5月代表香港，遠赴烏茲別克出戰亞洲空手道錦標賽。坤哥為空手道創作的新歌《感激的直拳》，接受商台《星光背後》訪問。

坤哥稱2018年開始學日文，絕非為追女仔，主要是因網上認識一些音樂人，有機會談合作並到日本發展，巧合地亦經日本音樂朋友介紹認識愛子，他說：「係緣分，一識佢幾有好感，畀佢好有自己個性吸引，相處好舒服。」

坤哥與愛子認識不久後疫情爆發，他慶幸有科技，解決Long D相思之苦：「Long D咗一段長時間，好彩有網上平台，可以facetime一齊睇劇或電影，或者一齊對住mon飲嘢。」

他承認婚前2人相處時間只是數個月，便已計劃結婚：「真係幾個月左右，究竟要拍拖幾耐先可以結婚？7年？10年？有啲人3日就結婚！無嘢係絕對，總之我覺得係timing要做呢件事！」再問坤哥怎樣認定愛子，是適合他的伴侶，他說：「係佢所有嘢！靚唔靚見仁見智，最重要係佢唔會覺得我係吳業坤，我入行15年，大家會畀唔同報道或者作品，影響對我感觀，而我可以用最本人身分同佢相處，我唔係講吳業坤係好勁嘅人，但係佢就係鍾意我本人，同我真實性格，係好難得。」

坤哥感激愛子為他犧牲日本一切，陪他來港定居，「求婚前都傾過，佢思想幾傳統，會嫁雞隨雞、會跟老公姓。到講到實體經濟問題，首先我喺日本搵唔搵到錢？其次佢嚟香港又會唔會習慣？最後我無得放棄香港事業，所以佢要放棄日本嘅工作。」至於老婆有沒有考慮日本雙親，他說：「好彩日本年輕人同香港人好唔同，日本人好早就離開屋企去東京做嘢，係習慣咗獨立，主要係佢適唔適應嘅問題。」

坤哥指太太適應力及語言學習能力強，居港3年多來，已解決語言問題，也在港認識了不少朋友及已成為KOL。

坤哥於2010年參加《超級巨聲2》入行，等了5年才有機會出歌，但一出就爆紅，談等待那5年，他說：「頭5年腦囟未生埋，見Alfred（許廷鏗）、Jay Fung（馮允謙）好快有歌出，成日諗點解機會唔係我，無諗自己有幾唔得！」

到爆紅2年過後，坤哥體會何謂長江後浪推前浪：「我成日用滑水形容運，我本身諗住個浪細細地，我會滑得好順暢，但突然嚟咗個超級大浪，我滑到好高亦可以滑到，但我係唔識落番嚟，亦唔識點繼續接下一個浪。

當時我嘅技能都唔能夠承接，睇番我以前啲相，又肥、頭髮又亂梳、眼鏡又核突又無突破，點會繼續有人支持我？起跌無得唔接受，唔同我學空手道，努力就會有回報。」

經歷起跌，坤哥學會感恩，「好彩𠵱家仲有機會出歌，仲可以做呢啲咁唔commercial嘅歌，講真《感激的直拳》？搵邊個聽先？」坤哥指空手道令他學懂做人要有野心，「就算贏唔到，你都唔可以輸，因為今年10周年，所以都想開巡迴，內地已經開始緊，希望一站一站做番嚟。」

（即時娛樂）