羅毓儀大讚Kris細心 爆《女神》Happy Ending
於劇集《下流上車族》演母女的視后江美儀與羅毓儀（Yuki），今日（23日）以「母女檔」為代言品牌活動擔任嘉賓。江美儀表示跟品牌已合作兩年，問到今次是否帶挈Yuki？Yuki即搶答：「係呀，多謝媽咪！要請媽咪食飯。」江美儀即連忙否認，解釋是廣告商所提出，又爆Yuki兩年前已説要請她吃飯，笑指至今仍未兌現，Yuki即解釋因每次也是江美儀搶着埋單，笑言根本沒機會找數，江美儀即謂：「唔緊要，我下個月生日，會唔會帶多個人嚟食？你《女神配對計劃》結果係咪會令人好開心？」Yuki透露結果會是人人開心：「Happy Ending ，但節目未播唔講得住。」追問她會否帶林俊其（Kris）跟江美儀慶生？江美儀即幫口解圍：「你到時帶嗰個真命天子嚟，我哋唔影相放上網，淨係我知啦。」
談到Yuki多次被拍得跟Kris單獨約會，她指是因為節目受歡迎大家才認出他們，又強調二人並非單獨約會，指節目組認為露營環節後要相隔一個月才再拍攝，為免大家感情丟淡，故同意大家可自行相約見面，但笑稱只有Kris一個約她，江美儀聞言即笑言：「好大機會喇！咁有心又咁勤力都好嘅，仲一直冇轉過都係揀你。」Yuki亦大讚Kris細心，指拍攝露營環節期間，覺得夏天將至故沒有帶備外套，但結果天氣十分寒冷，Kris卻早有準備遞上親手炮製的薑茶，並劇透節目將播出對方炮製甜品冧她，坦言也「冧冧哋」。談到無綫正考慮繼《女神》後開拍《男神》配對系列，Yuki支持好友冼靖峰和焦浩軒可參加，江美儀則提議可找黃宗澤跟吳卓羲，Yuki即自爆想參加：「我嗰個年代真係好鍾意《少年四大名捕》，上次喺樂小姐（樂易玲）生日會見到佢哋，我即刻面紅，完全過唔到去影相。」
談到於《上流》演另一位女兒的郭柏妍的新劇《麻雀樂園》正在熱播，江美儀表示對方早前因食物敏感導致面腫，自己立即傳短訊慰問對方：「佢近來應該忙到癲，唔知24定36小時後先覆我，畀佢嚇餐死。」她表示近來忙於內地做直播帶貨，稍後會追看回播，但有留意劇集在內地社交平台獲不少網民好評。至於Yuki則大讚「家姐」表現一流！
東網網站 : https://on.cc/東網Facebook專頁 : https://www.facebook.com/onccnews/