李龍基自爆不設防唔排除生B：我唔避㗎！

資深藝人李龍基的未婚妻王青霞去年因被控逾期居留及使用虛假文書等罪，被判入獄25個月。王青霞今年7月出獄後隨即被遣返內地，李龍基曾表示待王青霞出獄便會結婚，但王青霞出獄逾一個月仍未露過面，甚至亦未見李龍基公布喜訊，引起網民關注。李龍基其後澄清與未婚妻沒有分手，目前已將王青霞送到佛山與其父母同住，而婚事的安排，李龍基曾表示答應了未婚妻以後會低調處理任何事，並表示王青霞希望盡快被淡忘，所以不想透露太多。但近日李龍基又再高調晒恩愛，揚言不排除生B計劃：「我絕對係奉行呢個自然派！」

雖然未婚妻一度成為階下囚，不過李龍基稱王青霞仍在獄中時已向對方求婚，待對方出獄便會立即結婚，又稱在珠海準備好「安樂窩」，生活重心亦會移往內地。本來李龍基曾表示未婚妻希望盡快被淡忘，所以日後會低調處理任何事。不過李龍基日前接受訪問透露，未婚妻出獄後打理她爸爸的事業，工作比自己還要忙碌：「佢嘅家庭事業都幾龐大，我等住佢養我㗎，不過我應承咗佢唔講太多我哋之間嘅嘢，尤其係佢屋企嘅嘢，而且佢嘅屋企人都唔係太鍾意，所以我都盡量低調、低調。」李龍基又稱二人關係愈來愈好：「相信幾多號風球都打唔甩，總之多謝大家嘅關心。」

李龍基曾在TVB節目《奇情谷》大爆性生活，他揚言一周行房不止兩次：「我幾自滿嘅，因為我生活幾正常，有時唔止，認真，可能身體健康啦！」老當益壯的李龍基更表示會操得更Fit，為王青霞出獄後「送大禮」。今次李龍基在訪問上亦直言不排除生B計劃：「隨緣啦！我覺得呢樣冥冥中自有安排，若然真係有就有囉。我唔避㗎！我絕對係奉行呢個自然派！」至於婚期方方面，李龍基只說：「我可以好肯定咁講我哋一定活得好好。就算結都會低調，總之我哋好開心，呢個真嘅！我可以講，晚晚我哋都講『老公我好掛住你』，我又講『老婆我都好掛住你』。」

東網網站 : https://on.cc/東網Facebook專頁 : https://www.facebook.com/onccnews/