關禮傑注意飲食　捉關楓馨做運動

藝人關禮傑與方俊今日（13日）到灣仔會展出席活動，關禮傑多年來保養得宜，除了運動亦注意飲食，問到女兒關楓馨是否督促他做運動？他笑言：「係我捉佢做運動，因為明白到做運動好重要，自己年輕時冇時間運動，依家就要做番。」講到有指譚詠麟與陳百祥反面令明星足球隊一分為二，關禮傑指兩人並沒有不和：「佢哋都有一齊踢波、食飯，阿倫嗰隊就娛樂為主，阿叻嗰隊就專業啲，自己就踢黃日華、阿倫嗰隊。」

「靚聲王」張偉文近年患上認知障礙症入住院舍，最近更因壓瘡引致細菌入血發高燒入院，情況令人擔憂。他的經理人兼契仔方俊講到張偉文近況：「佢依家喺院舍，已經冇發燒，清醒但唔係咁答到嘢。之前因壓瘡問題發燒，一星期要入兩次醫院，令人相當擔心，買咗部紅外線燈畀院舍同佢照壓瘡殺菌，幫助傷口愈合，爛肉減少咗，依家只係希望佢冇咁多痛楚，因為擔心佢自己都瘦咗10磅」。明顯消瘦不少的他指因為貪靚和脂肪肝問題而減肥，戒糖戒澱粉質，3年來瘦了40磅，精神也好好多。

東網網站 : https://on.cc/東網Facebook專頁 : https://www.facebook.com/onccnews/