馮允謙拍新歌MV變落湯雞　髮型同埋個妝都甩晒

「唱作王子」馮允謙（Jay）今年第二首英文歌《Close to the Edge》MV昨晚（24日）上架，因為他一句「我想淋雨」製作團隊便租水車拍攝，營造滂沱大雨照頭淋效果，豈料未拍完已水情告急。第一次拍落雨戲的Jay直言好興奮，他說：「今次有好多得意事，首先就係book咗架水車，因為要扮落雨，原本睇天氣報告以為會落雨，點知冇，所以要租水車。另一件得意事就係拍到差唔多最後無晒水，而且最尾係高潮位，要愈嚟愈大雨，要諗點樣拍埋個ending。」結果用到最後一滴水。

今次MV故事由Jay與導演一同創作，他透露小時候很期待落雨玩水、踩泥氹，可惜加拿大落雨時天氣太凍，不能出戶外玩水，而香港落雨天氣和暖，所以想感受一下。「我成日見到其他人拍嘅MV落大雨，成身濕晒嘅失落感覺，未試過就好想試。我知道化妝師、髮型師和造型師都有好大concern （憂慮），髮型同埋個妝都甩晒，唔知似咩！但我唔理，我想做就要做！」而新歌的歌詞是他與孖生弟弟Tim Fung一起填詞，Jay笑言沒有想過如此順利，他說：「因為我好有自己嘅諗法，佢又好堅持，我以為我哋會打交，估唔到首次合作咁愉快。其實Tim寫嘢幾叻㗎!佢做過copywriter（撰稿人），今次搵佢幫手，希望寫到唔同嘅感覺。」

東網網站 : https://on.cc/東網Facebook專頁 : https://www.facebook.com/onccnews/