公司逼我打籃球｜希晉首次拔罐叫苦連天 Tsoul扭傷舊患急放血

ViuTV節目《公司逼我打籃球》今晚（25日）播出第3集，教練Couch Fui邀請了FIBA3X3香港籃球代表「平民王」劉振星（阿星），訓練眾人進攻技巧。陳安立（Brian）自言看見劉振星感到超級興奮：「因為我幾年前開始，就已經無意中睇到佢啲片，去唔同地方比賽，好多籃球教學，我係條條片都有睇！」

阿星向主要打籃底的球員，傳授籃底進攻步法，郭嘉駿（193@ERROR）坦言：「阿星教我啲步法真係幾有用，以前無諗過原來只要隻右腳向後啲擺，轉身會易啲，以前係學唔到呢啲嘢，今日就學到！」對於眾人實力，「平民王」阿星表示之前有看過他們訓練，覺得他們打得比想像中好。

眾球員經過連串訓練後，陸續出現不同傷患，球隊經理人王家晴（Candy@COLLAR）安排中醫療程給有需要隊員。頸部受傷的王希晉（希晉@ROVER）除了針灸外，還接受人生第一次拔罐治療，自問忍得痛的希晉抵受不住拔罐痛楚，而不停大叫「好痛」，而搞笑的是醫師事後表示，希晉拉傷頸，根本與打波無關。

不過相比起田曜誠（Tsoul），希晉的傷實屬小兒科。怕痛的Tsoul在訓練期間不慎扭傷舊患，腳腕腫如豬蹄，需要中醫師幫忙放血。Tsoul當刻腦海空白：「我唔想畀任何人知，特別係屋企人，因屋企人千叮萬囑我唔可以再受傷。不過治療完後傷勢總算比之前好，痛也值得。」

本集「愛晴當入樽」亦首次進行練習賽，對手是學界籃球精英的英華書院。面對勁旅，193自言有點擔心：「諗諗下又唔係好擔心，因為點都輸㗎喇，只不過係擔心自己發唔發揮到囉！」肥仔亦坦言：「我哋啱啱起步嘅球隊同佢哋砌，就死硬嘅講真。」Brian卻豪言：「我驚贏咋唔小心。」全場即時起哄，希晉直指：「虧你講得出口！」

（即時娛樂）