網上熱話｜中五女生連鎖服裝店試比堅尼　突然被陌生男女試圖闖入感震驚

很多服裝店均設有試身室供客人試穿心頭好，不過，近日有一名中五女生分享，在某連鎖服裝店試比堅尼，一對陌生男女試圖闖入尋失失物，感到十分憤怒兼震驚。

事主在社交平台Threads分享，在某知名大型服裝店的銅鑼灣分店試身，聽到試身室外有女人話遺留了衣服，事主一開始不以為然。其後該名女人對著事主的試身室問有無人在內，事主以為是在對其他人說話，無立刻回應。相隔兩三秒，對方的男友人指內裡似乎無人，便開始揭開更衣室最外面的那層布簾。事主聽到聲音，即刻大叫「有人」，「我嗰陣時試緊Bikini(比堅尼)我好驚，唔想俾人見到。我把聲震住，叫咗第二次佢先聽到有人，個男人先至冇再撕，個女人話『哦，原來有人』」。

事主繼續試身時，被該名女人敲更衣室的木框，問「小姐，請問你得未？」事主表示當刻十分憤怒，便大叫「我仲試緊，你可唔可以等陣？」對方回覆「吓，不過我好似漏咗嘢喺入面喎。」事主再指「我入去嗰陣時係空㗎，乜嘢都冇㗎！」

當事主離開試身室，見到女人不停向職員重複自己不見了衣服。但兩人並無對事主道歉，「我有諗過要唔要大大聲鬧佢哋，做咩冇啦啦搣更衣室嗰塊布。但係我好驚，好嬲，我只不過係一個中五女仔，人哋係40歲嘅女人同男人，個吓喺更衣室入面大嗌『入面咩都冇』嗰陣，我已經盡咗最大勇氣。我覺得自己好無用。 」

已致電郵向服裝店投訴

有不少網民分享類似經歷，提醒事主日後要小心，並應該在現場向員工反映事件。事主其後感謝大家的支持以及鼓勵，已經致電郵向有關服裝店投訴，希望大家對有關情況有所警惕，以及促進涉事公司的跟進行動，避免再有其他受害者。

原文刊登於 AM730

睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)