《女神配對計劃》李芷晴拒絕周嘉全後感後悔　Baby face形象升級再追梁敏巧

TVB戀愛綜藝真人騷《女神配對計劃》昨晚（6月8日）播出第一集，由有「金牌媒人」之稱的林盛斌（Bob），與「星級花生團」攜手為無綫五大女神梁敏巧（Maggie）、葉蒨文（Sophie）、李芷晴（Stephanie/Step）、關嘉敏（Carman），及羅毓儀（Yuki）公開招親搵男友。

第一集登場的有為心儀女神李芷晴（Step）勇敢踏上舞台的周嘉全。入行超過十年的周嘉全是TVB藝人，曾參與《鐵拳英雄》及《奪命提示》拍攝，之前在《花生搶先看》預熱節目中透露曾送畫向Step表白的嘉全，於第一集展示當年送給芷晴的素描畫真身，並真誠地示愛：「以前我遇到真心鍾意嘅女仔，我都淨係識得送幅畫畀佢……就算送完畀佢，我都唔夠膽承認自己鍾意佢。希望以後唔只係畫畫，想將時間同心機所有嘢都送畀佢。」一番說話引起全場女神嘩然，Sophie及Carman更感動得眼泛淚光；「花生友」森美亦忍不住大大力讚嘆嘉全的真心：「毛管戙呀，好溫馨喎」、「畫得呢啲，肯定係愛得好深喇！」

女主角李芷晴則全程表現迷茫，她坦言從來沒有想過周嘉全喜歡自己：「佢不嬲有畫開畫，而佢送畀我之前，有畫咗幅男仔畫畀阿Ben（袁偉豪）嘅。」在現場的周嘉全被問到為何送畫一刻不馬上向Step表白時，嘉全說：「我係喺地鐵站畀佢嘅，我畀完佢傾咗陣偈後，佢就話『我準備搵男朋友喇』，我之後就冇諗其他嘢喇。」說畢繼續大派愛的宣言：「其實（你）揀唔揀我，我一直都會咁欣賞你，而且我會相信你選擇幸福嘅能力。」Sophie聞言與Carman齊齊感動至眼紅紅，Sophie大嗌感動：「我覺得佢好真心、好長情、好溫柔。」而女主角Step則心大心細，掙扎一大輪後，最終還是沒有選擇嘉全。事後Step哽咽：「我真係完全冇諗過佢對我係有意思，所以就會變咗好混亂……可能畀多幾秒我我就會撳咗，依家都少少後悔。」

昨晚其中一名候選猛男的年齡達63歲，他是於2000年離過婚、坐擁過億身家的Andy哥。雖然Andy哥年過60，但他不但keep得比真實年齡後生一大截，身手亦相當了得，除經Maggie認證有六嚿腹肌，還即場應眾人要求示範高難度彎身掂地動作；加上為人霸氣、有話直說，氹得Maggie相當開心。不過由於與Maggie年紀足足相差了33年、Maggie坦言Andy哥比其父母還要年長，故幾經掙扎還是忍痛放棄選擇Andy哥。Maggie：「呢啲就係霸道總裁，就係我鍾意嘅嘢咯，但年紀真係struggle吖嘛。」

而節目最後預告，下集梁敏巧將再度遇上曾公開追求她的「Baby face」。去年10月，「Babyface」黃先生現身TVB節目《呃錢》後成為全城熱話，之後他聯同林作一起拍片，揚言展開求愛大作戰，務求在30日內追到梁敏巧，Maggie在社交平台回應：「你咁健談又咁自信，仲有Baby face咁有市場，邊襯得起你，你都係搵返個比我更優秀嘅女仔把啦」，事件最後當然不了了之。而今次在《女神配對計劃》中，Maggie得知即將出場是「Baby face」時，不禁面露尷尬表情，但當她見到改造後的「Baby face」，亦有讚他外型打扮有進步。