陳柏宇問參賽者攞歌　駱振偉爆同丹麥老婆未簽字離婚

歌手陳柏宇（Jason）和太極樂隊主音雷有輝（Patrick）昨晚（20日）擔任ViuTV音樂選秀企劃《CHILL CLUB X THE FIRST TAKE:THE STAGE OF VOICE》素人組決賽評判，日本歌手Adieu首次為香港節目展示唱功。Jason是第一次見參賽者，有幾位很喜歡，他指有偷看另一評判畀分，發覺評判各有喜好，他說：「原來我偏向畀得高分，就冇畀過滿分，其實一鏡到底子投入去唱係好難，我唔會睇表情和眼神，只會睇唱歌能力和臨場表現。」

Patrick就表示參賽者水準幾高，不過都有進步空間，臨場表現有些瑕疵如顫抖或忘記歌詞，他說：「有個男仔寫歌能力好好，好易上口，柏宇已經攞咗首歌。」Jason直言經常要歌：「我話有歌就交嚟，歡迎！」Patrick提到早前擔任十大中文金曲頒獎音樂會表演嘉賓，表現出對亡友唐奕聰（Gary）的懷念，直言現在由悲哀轉化為懷念，自爆每晚都跟Gary在心中傾偈，希望他在天之靈會保佑樂隊，另外，提到兒子雷暐陶已經大學畢業，去年參加港台節目《我是DJ》進入決賽，他說：「嚟緊佢同C君（鄭詩君）有個節目，佢鍾意做DJ多過唱歌，都係靠把口，佢把聲好聽過我呀，遲啲又會客串一個深夜節目，應該做一晚。」

Jason就表示細女近日返幼兒班有點扭計，因為不捨得爸爸，笑言對女兒採取「呃呃氹氹」方法，當女兒擰轉面便走。

節目主持駱振偉（Thor）表示陪伴着這班參賽者一段日子，真心覺得他們好幸福，感受到評審的愛護，他自己也學到好多，2007年參加過英皇新秀的Thor透露：「我同監製講，可唔可以臨拆廠前畀我唱一次一鏡到底現場唱，要表情管理又投入，真係有難度。（覺得自己唱歌點？）監製都有問我，我覺得如果依家參加應該入唔到圍。」問他是否主持耽誤的歌手？他笑言希望是演員耽誤了的歌手，這幾年好努力演戲。早前在社交平台宣布與丹麥籍太太離婚，Thor表示與前妻關係良好，透露日前往丹麥拍攝旅遊節目，相約前妻的妹妹及妹夫食飯，原本前妻亦在那段時間回丹麥，不過卻無緣相遇，他說：「真係無緣，不過今次去丹麥，正係9年前同太太返丹麥那天。」提到分手理由，他表示２人由拍拖到結婚10年，陪伴一起成長，但相處出現問題，磿擦漸生，最後決定分開是最好的決定，他希望少他5歲的前妻能夠找到第二春。問他也想找第二春？「我未有，（復合機會？）同佢做屋企人最舒服，有乜嘢好得過多了一個屋企人？比起一紙婚姻來得更長遠，復合可能性極低，因為我哋曾經咁愛對方，大家好了解。」現時尚未動筆簽字離婚，原因他們在丹麥註冊，正透過丹麥機構辦理。

東網網站 : https://on.cc/東網Facebook專頁 : https://www.facebook.com/onccnews/