韓子亮預告輕生險成真　疑似友人：狼來了嘅故事

曾因肛交勒索案被判入獄26個月，被網民笑稱「更生歌手」的韓子亮（TL），現年33歲的他曾於2023年試圖輕生，需要送院搶救。昨晚（5月26日）韓子亮於IG發動態帖文表示「我對唔住幫過我嘅人，同埋借個（過）錢俾我嘅人，來生有機會報答返。」、「對唔住大家，所有嘢交低咗，我要走先，今次真係食咗百幾粒藥，唔使搵我。」其後自稱是韓子亮前經理人的「喬」在韓子亮IG發佈多個限時動態，透露他神智不清，身處深圳的「中山大學附屬第八醫院」。

韓子亮昨晚於社交平台發文預告自殺後兩小時，一位自稱自稱是韓子亮前經理人的「喬」透過韓子亮IG發佈多個限時動態：「洗胃洗100幾粒藥出嚟，TL嘅朋友快啲上嚟搵佢，擔心佢又做傻事，今次救得返算好彩。」、「醫生話仲有危險，唔知後遺症有幾嚴重，你哋上嚟院，醫生會同大家講。」

相隔不足一小時後，韓子亮的前經理人「喬」貼出一張入院通知書的照片，門診診斷為「藥物中毒」，寫道：「佢真係中毒，有冇佢其他嘅朋友上嚟睇吓佢，稍後電話會交返俾佢本人。」「喬」透露暫時睇住TL，更公開疑似韓子亮睡在病床，被醫護人員推入電梯的影片，表示：「大家唔使打電話俾佢，仲係半昏迷狀態，要留院觀察，真係關心佢嘅人，唔該自己上嚟醫生搵佢，或者DM呢個IG，我暫時會幫佢回覆」、「拜託大家唔好打佢嘅電話搵佢，佢神志（智）不清根本聽唔到電話，我唔會再幫佢聽電話，太多人打電話嚟，有咩事上嚟醫院搵佢？」、「醫生話佢嘅情況洗完胃，肝都有吸收藥物嘅毒素，而家喺大陸嘅公立醫院，有好多嘢要觀察。」

前經理人「喬」之後寫道：「有無子亮朋友？如果大家而家上嚟探佢嘅話，上幾個story有地址，我係佢前經理人，因為我差唔多就走，我只係睇一睇佢，因為太耐冇follow佢嘅事情。佢暫時係有意識嘅，情況有啲反常，而家要吸氧氣，走之前會交返電話俾佢，你哋可以自己聯絡佢」、「我走先，子亮佢頭先瞓咗，地址如下：深圳中山大學附屬第八醫院 2樓207，19號病床，頭先聽醫生講要檢查幾日，如果佢嘅朋友睇到呢一個story可以上嚟搵佢」。

大約一小時後，有一名自稱是第二位到達醫院的韓子亮朋友用其手機發文，拍低他臥床的照片並說：「冇人信你，所以你醒返，唔好怪我post咗你自己，睇返你收到嘅訊息，冇人信你自殺，其實我本人都唔信，真係好可悲，狼來了嘅故事，本來我都唔信，雖然我唔係同你好熟，但係我到咗，大家可以上嚟問吓醫生，佢仲瞓緊，的而且確韓子亮冇講大話，希望你醒咗睇到呢個動態，唔好再做埋啲傻仔嘢，冇嘢面對唔到」、「大家唔使再質疑佢，佢今次堅自殺」、「我同你大陸嘅朋友都係你身邊，快啲醒」、「希望你可以加油撐住」。