佘詩曼發另類新年財　情人節早有安排

視后佘詩曼現身尖沙咀出席護膚品牌活動，近日頻頻出席活動，開玩笑說發另類新年財，7號到內地拍攝廣告後便收爐，很期待放假同屋企人去旅行度歲，新一年希望遇到鍾意的角色和好劇本，拍多些好戲給大家看，自言沒有計算收入，覺得可以做到鍾意的工作好開心，期待《正義女神Themis》今年能夠播出。

透露情人節有人約，而且約了幾個，圈內圈外人都有，笑言日日都過情人節，日日都咁Sweet，其後解釋當日都是約女生，不知有沒有男生，因為不是由她約人，笑言可能會有驚喜，問是否參加speed dating：「唔係，無諗過，喺我屋企，應該唔會帶男仔嚟，唔想佢哋帶唔識嘅人嚟我屋企，或者下年先啦！」港泰混血女神鄺玲玲視佘詩曼為頭號偶像，希望可以見她一面，阿佘覺得總有機會見，感覺她友善和幾開朗，都想知她私下是一個怎麼樣的人，問可想將來合作：「好喎！睇吓點。」

有網民將阿佘不同時期的舊照比併，力證阿佘無整容，她表示多謝大家，覺得無可能不變，會盡量保持健康作息，以保持狀態，不過有時都會攰。問她有沒有容貌焦慮？阿佘說：「焦慮無用，接受現實，如果保持不到也冇辦法，接受轉變，出世到依家同一個BB樣都無可能，覺得唔同年紀有唔同味道。（接受整容？）唔知，唔係唔接受，係敢唔敢做。」自己一直追求目標達到夢想，這樣的人生會好精彩。另外提到宣萱重提離開無綫原因是不懂擦鞋，問阿佘有冇遇過此事？她一臉愕然問：「擦邊個鞋？」並說自己一直忙於拍劇無時間做其他事，只會做好自己。

東網網站 : https://on.cc/東網Facebook專頁 : https://www.facebook.com/onccnews/