網上熱話｜未過期甜豉油驚見不明物體 似足牙齒標本 網民：可能冇閂好個蓋

食物安全一向是大家關注的議題之一，加上近期天氣炎熱潮濕又翳焗，沒有好好保存的食物的確好大機腐爛。早前，一位港女煎完餃子、想點甜豉油的時候，就發現屋企一支未過期的甜豉油，竟然生出大量不明物體，令她不禁高呼「嚇到我黐線」。

港女煎餃子想用甜豉油 驚見大量不明物體

這位港女在社交平台發文，劈頭指自己「雖然唔係成日入廚房，但都未至於啲嘢擺到過期或者幾十年先入一次」、「最多對上入廚房係兩個月前嘅啫」，惟當她近日煎完餃子想「拎支甜豉油出嚟點吓」，卻驚見甜豉油「無啦啦多咗呢啲不知名物體」，令她不禁表示「嚇到我黐線」。

似牙齒標本兼頸椎模型

從她上傳的照片中，可見甜豉油的樽蓋、樽頸和樽底位置均出現異物，形狀似足牙齒標本，而樽頸部分的連串不明物體則與頸椎模型相似，事主崩潰問「有冇人解答？我到底係咩嚟」、「好核突」。

網民教用1招避免

雖然不明物體嚇到事主崩潰，但部分網民就好似好有經驗，直接開估道「酵菌嚟」、「天氣太熱太潮濕/可能冇閂好個蓋」都有機會引致。亦有網民引用另一帖文，只因除了甜豉油之外，早排亦有人因為將生抽「放咗喺室溫好耐」，而培養出類似物體，因此大家記得將用過的調味料放雪櫃啦！

原文刊登於 AM730

睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)