藍奕邦評「宇宙巨星」私人帖文流出　「你唱得好勁有實力但cheap」

發布於 3小時前 • 機

藍奕邦評「宇宙巨星」私人帖文流出。

鄧紫棋（G.E.M.）近日在香港啟德主場館舉行一連5場演唱會，不少網民重提藍奕邦於2012年曾以前輩口吻「公開教訓」鄧紫棋「小妹妹」要飲水思源，指其言論是「史上最強回力鏢」。藍奕邦在Facebook私人帳號撰長文評論「宇宙巨星」，直指對方「要打手用陳年新聞搞我」。帖文雖然沒有指名道姓，但相信「宇宙巨星」就是指鄧紫棋（G.E.M.）。

鄧紫棋（G.E.M.）近日在香港啟德主場館舉行演唱會。

有網民在社交平台分享藍奕邦的私人帖文：「由今年年頭開始，當而家開緊啟德嘅宇宙巨星開始放風會大駕光臨返落嚟香港呢個小漁村開演唱會時，我threads已經開始經常見到幫佢洗白嘅post，當然少不了攞返我十鳩幾年前對佢講過嘅嘢嚟鞭我屍。來來去去個point都係：你趕人走呀，人哋而家幾叻幾勁幾紅，全球演唱會收入第四呀，真係衝出國際香港之光呀，你藍奕邦你睇吓你幾失敗呀，你相比下咩都唔係呀，人哋咁勁唔知你又點睇呢藍uncle，如此類推……」

藍奕邦早前在台北開演唱會。

藍奕邦稱自己「有骨氣、尊嚴同品味」：「一直我都冇回應過一句，因為我知係有組織性嘅洗白工程，我回一隻字都係益咗佢、俾佢再大做文章見到報。呢幾日佢終於開佢嗰個蝕死班黃牛、要關愛隊派飛嘅演唱會，當然我threads又再度熱鬧起嚟啦。一班onX又衝出嚟tag我，話人哋幾勁開啟德你而家都冇人聽你等等……我當然唔會公開覆啦，但我都想喺呢度講一講：我冇放棄香港人同香港市場上大陸賺人仔，我冇表忠愛國又冇寫公開信支持689，我冇靠翻唱歌做代表作，我嘅主要客唔係班低端big 6 X，已經係完！勝！！！你可以有錢有地位，但我更可以有骨氣、尊嚴同品味。你係唱得好勁好有實力呀，但你cheap。我亦絕對冇後悔當年XX呢個細細個已寸XX，無禮貌目中無人，而家就窮得只有錢、insecure到要打手用陳年新聞搞我嘅巨星。」

藍奕邦直言：「你可以有錢有地位，但我更可以有骨氣、尊嚴同品味。」

最後，藍奕邦表示預料到在Facebook私人帳號的言論會被公開，他寫道：「PS: 我預咗有人又會cap我私人fb架喇。你要做呢啲低質嘢，我阻止唔到你，但希望你都覺得自己好醜。」

藍奕邦直指對方「窮得只有錢」。

藍奕邦近年於台灣旅居。