Mikiki新春好去處｜三間新餐廳＋柴語錄樂園＋年貨市集一次過滿足！
131 觀看次數新春好去處
台灣人氣IP《柴語錄》樂園市集登陸Mikiki
新餐廳進駐! 米芝蓮一星點心+日式家庭料理
新年想搵食、辦年貨、打卡兼玩遊戲？Mikiki一次過為你準備好晒！三間全新餐廳進駐，仲有台灣人氣IP《柴語錄》新春主題裝置同賀年展銷，成個2月同3月都咁熱鬧～
🌟 添好運｜米芝蓮一星點心首設戶外座位
第10間香港分店嚟到Mikiki，仲係首間設有戶外座位嘅添好運！可以帶埋毛孩坐 outdoor 嘆點心，夠晒 chill～新店獨家推出「酥皮雙味孖寶」，一次過食到經典酥皮叉燒包同黑松露雞包！其他必食仲有帶子酥、蝦球生麵、蒸雞拌飯，真係款款都想 encore～
🇯🇵 天下茶屋｜日式家庭料理登陸
主打溫馨日式定食嘅「天下茶屋」正式開幕，新張期間仲免收加一！必試咖喱飯系列有吉列豬扒、烤芝士大啡菇、金菇天婦羅咖喱飯、牛油烤雞扒野菜咖喱飯；想輕食可以揀醬油豬軟骨湯烏冬或者鹽燒鯖魚湯烏冬，仲有茶漬飯、丼物、沙律同小食，款款都係日本家庭風味，lunch或者 casual dinner 都啱晒～
🥥 茶大椰｜全天然椰子飲品專門店
主打健康、無添加嘅椰子主題飲品店，標榜無防腐劑、無牛奶、無人造色素。招牌有椰子茶系列、天然椰子水、鮮椰乳同鮮椰咖啡，甜品仲有原個椰子裝住嘅「大椰凍」，清新解膩又打卡able～即日起消費滿$30，儲齊五個印花，即可以帶走新年曲奇或者其他小禮物😍
🐕 柴運亨通新春樂園｜《柴語錄》陪你過肥年
即日起至3月8日，Mikiki 地下中庭有三大《柴語錄》主題打卡區，同場仲有三大開運互動遊戲，贏好禮、攞頭彩，運氣滿滿迎接馬年！
旁邊嘅「柴語錄賀年展銷」集合超過30個品牌，辦年貨超方便：
🍍 澳門鳳城英發手信｜鳳梨酥、鳳凰卷
🌺 AGA｜年花、新春花藝
🐮 台灣牛師父｜人氣牛軋餅、手工糖果
💰 美而廉｜蟲草、參茸、花膠、海味
仲有親子賀年DIY工作坊，可以親手整獨一無二嘅新年小物，大人細路都玩得開心～
【Mikiki 柴運亨通新春樂園】
📅 即日起至3月8日｜10am – 10pm｜地下中庭B區
【Mikiki x 柴語錄賀年展銷】
📅 即日起至2月16日｜11am – 9pm｜地下中庭A區
▼Follow Outsider Magazine
Instagram: https://www.instagram.com/outsider.mgz/
自動播放下一則