麥明詩產後首公開露面 正面反擊裕美：係我中人圈套！
「十優港姐」麥明詩今年3月與老公盛勁為正式成為人父人母，一直保護BB未有公開性別及樣貌。坐月後開始帶BB見朋友，跟前度林作母親王莉妮見面後，對方卻唔覺意晒出BB的正相，遭網民鬧爆樣，事後林作現任女友裕美直斥麥明詩為整件事的「始作俑者」，生B後一直發短訊邀約林母跟BB見面，更游說林母跟BB上契，做法令人費解「有病嘅人先會咁做」。
麥明詩今日（19日）出席活動，是她產後首次現身，對於裕美直斥她設局讓有分享症的王莉妮墮圈套，她表示最尾都是伯母的選擇：「可能當初同伯母溝通得不夠清楚，但佢好快就將啲相收番，我哋有好嘅關係，唔想再講太多，唔想再有圈套，係我中人圈套。」她表示跟伯母一直保持良好關係，當年參選港姐對方也給予很多支持和鼓勵，自己一直很尊重和尊敬對方，透露自己跟老公也不時會相約伯母吃飯見面：「自己同長輩嘅私人關係唔方便講太多，大家係關係良好。（BB上契未？）已回應咗，私人關係同關於BB嘅私人事唔講喇。（事件令人覺得否定咗林作同女友關係？）其他人嘅想法我預計唔到亦控制唔到，我只能控制到自己嘅感受同關係，我同好多唔同嘅朋友都保持良好關係，其他人嘅想法好難顧及太多，最緊要我同老公關係好，其實當日老公都在場。」
談到她努力保護BB不想曝光，但早前卻一家三口拍廣告，引來被網民揶揄，她解釋工作是必需的，但指大家誤會了：「其實拍攝嘅係另一位小演員，唔係我個BB，佢大過好多。（唔畀BB曝光？）社交媒體對年輕心智未成熟嘅人佢哋未Handle得到，加上我哋控制唔到外界。」問到若有廣告邀請會否替BB接？她表示暫時未有，將來的事情未知道，會待孩子長大後有自己的意願時再跟他商討：「至少現階段佢未能夠表達到自己嘅意願，我會選擇盡量唔畀佢曝光。」她表示會盡量保護自己小朋友的私隱和心理健康，希望讓孩子有快樂的人生。談到照顧BB，她笑言比想像中應付得到，加上有四大長老、老公和傭人姐姐的支援，像團隊一樣同心協力：「老公、媽咪、我同工人姐姐開咗個群組不時交流。（老公係神隊友？）佢好幫到手，上網睇好多教湊B片，佢好投入！（產後有冇出現抑鬱？）過程係開心，但都有辛苦嘅時候，情緒會波動，老公好好請咗假陪我，作為我嘅情緒支持，很快就康復，見到BB笑容會化解唔開心。」
談到有傳她跟好姊妹馮盈盈鬧不和，麥明詩笑言不明為何會有這種傳聞，表示已相約對方和其他朋友飯聚，又指孕婦正常都會減少出街，覺得真正朋友不用經常見，只要保持溝通，一切也在心中。
東網網站 : https://on.cc/東網Facebook專頁 : https://www.facebook.com/onccnews/
- Ryan回應得幾好呀， 好多人都要學習下， 無論父子、兩夫妻、前男友個阿媽， 每個人都係個體，同林作媽關係好， 又真係唔關林作事， 聰明嘅人處理關係，而且再見，亦是朋友。1小時前
- 若調返轉如果盛勁為同前女友媽咪經常保持聯絡⋯唔知麥又會點諗？🤔2小時前
- 許小姐🙊🙈🙉只係有人唔低得可能嘅未來奶奶對自己男友嘅前女友念念不忘而產生無限嘅妒忌。又唔係你條仔對佢念念不忘（可能都係，如果唔係點會隔一排就攞人出嚟講），你男友個阿媽欣賞佢，鐘意佢你可以點？關你咩事？連男友阿媽交咩朋友都管埋，有病嘅係你。做好自己管好自己條仔就得啦，搞咁多嘢你男友阿媽隨時再次封殺你，入唔倒門，連你男友都分唔倒身家。（第日連身家都分埋俾契仔就搞笑。佢應該係驚呢個情況會發生😏😏）1小時前
- honghong佢都係一個慣常炒作，鍾意出嚟搏宣傳嘅人1小時前
- N裕美嗱嗱聲生個b出嚟咪得囉，駛咩講咁多野，眼紅人哋啫～ 老人家好簡單，有個孫就乜都得，咁你想要人地份遺產，就要氹得老人家高高興興；又唔想付出，又要攞人哋嘅錢，世界邊有咁著數～ 唔係咁天真，以為氹掂人哋個仔就袋硬份身家下話～ 如果我個仔有大律師唔做仲走去做網紅廢柴，我都唔留份身家俾佢啦，求其留層樓俾佢住就算，俾更多錢佢都係fing晒佢架啦，陣間又話俾一百萬要人驗DNA，做埋啲無意義嘅嘢⋯⋯24分鐘前
顯示全部
留言 8